وسى جىلدىڭ ناۋرىز ايىندا وتكىزىلەتىن ۇلتتىق ءبىرىڭعاي تەستىلۋگە ءوتىنىش قابىلداۋ اياقتالدى، دەپ حابارلايدى Qamshy.kz اقپارات اگەنتتىگى ۇلتتىق تەستىلەۋ ورتالىعىنا سىلتەمە جاساپ.

«اعىمداعى جىلدىڭ 1 - 15 اقپان ارالىعىندا رەسپۋبليكا بويىنشا ناۋرىز ايىندا وتكىزىلەتىن ۇلتتىق ءبىرىڭعاي تەستىلەۋگە ءوتىنىش قابىلداۋ 154 ۇبت وتكىزۋ پۋنكتەرىندە جۇرگىزىلدى.

ۇبت-عا قاتىسۋعا نيەت بىلدىرگەن تۇسۋشىلەر سانى 80042 قۇرايدى، ونىڭ ىشىندە – 62678 قازاق، 17086 ورىس، 278 اعىلشىن تىلىندە تاپسىرادى.

ۇبت قازاقستان رەسپۋبليكاسى ءبىلىم جانە عىلىم ءمينيسترىنىڭ 2017 جىلعى 2 مامىرداعى №204 بۇيرىعىمەن بەكىتىلگەن ۇلتتىق ءبىرىڭعاي تەستىلەۋدى وتكىزۋ قاعيدالارىنا سايكەس اعىمداعى جىلى 24 - 29 ناۋرىز ارالىعىندا وتكىزىلەدى. ۇبت-عا اعىمداعى جىلى جالپى ءبىلىم بەرەتىن وقۋ باعدارلامالارىن مەڭگەرگەن ءبىلىم بەرۋ ۇيىمدارىنىڭ بىتىرۋشىلەرى قاتىسادى».

ەسكە سالا كەتسەك، ۇستىمىزدەگى جىلدىڭ 18-20 قاڭتار كۇندەرى وتكەن العاشقى ۇلتتىق ءبىرىڭعاي تەستىلەۋ وتكىزىلگەن بولاتىن. العاشقى ءبىلىم سىناعىنا ەلىمىز بويىنشا 34 687 تالاپكەر قاتىستى. ونىڭ 9-ى مۇمكىندىگى شەكتەۋلى جان. قاتىسۋشىلاردىڭ ساناتى كەلسەك، 29 789 – 11 (12) سىنىپ وقۋشىلارى، 3 268 – شارتتى تۇردە تۇسكەندەر، 2 781 – شىعارماشىلىق ماماندىقتان باسقا ماماندىققا اۋىسۋشىلار.

تەستىلەۋ سىناعىنا 35 838 تالاپكەردەن ءوتىنىش ءتۇسىپ، ونىڭ 25 615 قازاق تىلىندە، 10 162 ورىس تىلىندە جانە 61 اعىلشىن تىلىندە تاپسىردى. قىسقى ۇتب ناتيجەسىندە 24 012 (69%) تۇلەك بەلگىلەنگەن شەكتى دەڭگەيدەن ءوتتى، ال 10 675 (31%) ءتيىستى 50 بالدى جيناي المادى.

ۇسىنعان: ماقپال سەمباي