قازاقستان رەسپۋبليكاسى پرەزيدەنتىنىڭ مەملەكەتتىك باسقارۋ جۇيەسىن ودان ءارى جەتىلدىرۋ جونىندەگى شارالار تۋرالى جارلىعى شىقتى. بۇل تۋرالى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ حابارلايدى.

قازاقستان رەسپۋبليكاسى كونستيتۋسياسىنىڭ 44-بابىنىڭ 3) تارماقشاسىنا سايكەس مەملەكەتتىك باسقارۋ جۇيەسىن جاڭعىرتۋ جانە تيىمدىلىگىن ارتتىرۋ ماقساتىندا قاۋلى ەتەمىن:

1. مىنالار:

1) قازاقستان رەسپۋبليكاسىنىڭ قوعامدىق دامۋ مينيسترلىگى، وعان   قازاقستان رەسپۋبليكاسىنىڭ اقپارات جانە كوممۋنيكاسيالار مينيسترلىگىنەن اقپارات سالاسىنداعى فۋنكسيالارى مەن وكىلەتتىكتەرى بەرىلە وتىرىپ، ونى قازاقستان رەسپۋبليكاسىنىڭ اقپارات جانە قوعامدىق دامۋ مينيسترلىگىنە قايتا قۇرۋ جولىمەن؛

2) قازاقستان رەسپۋبليكاسىنىڭ قورعانىس جانە اەروعارىش ونەركاسىبى مينيسترلىگى، وعان قازاقستان رەسپۋبليكاسىنىڭ اقپارات جانە كوممۋنيكاسيالار مينيسترلىگىنەن بايلانىس، اقپاراتتاندىرۋ، «ەلەكتروندىق ۇكىمەت»، مەملەكەتتىك قىزمەتتەردى كورسەتۋ سالاسىنداعى مەملەكەتتىك ساياساتتى دامىتۋ سالاسىنداعى فۋنكسيالارى مەن وكىلەتتىكتەرى بەرىلە وتىرىپ، قازاقستان رەسپۋبليكاسىنىڭ سيفرلىق دامۋ، قورعانىس جانە اەروعارىش ونەركاسىبى مينيسترلىگىنە قايتا قۇرۋ جولىمەن قايتا ۇيىمداستىرىلسىن.

2. قازاقستان رەسپۋبليكاسىنىڭ اقپارات جانە كوممۋنيكاسيالار مينيسترلىگى تاراتىلسىن.

3. قايتا ۇيىمداستىرىلاتىن مەملەكەتتىك ورگاندار، بەرىلەتىن فۋنكسيالار مەن وكىلەتتىكتەرگە سايكەس، تاراتىلاتىن جانە قايتا ۇيىمداستىرىلاتىن مەملەكەتتىك ورگانداردىڭ قۇقىقتارى مەن مىندەتتەمەلەرىنىڭ قۇقىقتىق ميراسقورلارى بولىپ بەلگىلەنسىن.

4. قازاقستان رەسپۋبليكاسىنىڭ ۇكىمەتى:

1) قازاقستان رەسپۋبليكاسىنىڭ پرەزيدەنتى اكىمشىلىگىمەن كەلىسۋ بويىنشا قايتا ۇيىمداستىرىلاتىن جانە تاراتىلاتىن مەملەكەتتىك ورگاندار مەن ولارعا ۆەدومستۆولىق باعىنىستى ۇيىمداردىڭ  شتات سانىن قايتا ءبولۋدى؛

2) وسى جارلىقتى ىسكە اسىرۋ بويىنشا وزگە دە شارالاردىڭ قابىلدانۋىن قامتاماسىز ەتسىن.

5. «قازاقستان رەسپۋبليكاسى ۇكىمەتىنىڭ قۇرىلىمى تۋرالى» قازاقستان رەسپۋبليكاسى پرەزيدەنتىنىڭ 1999 جىلعى 22 قاڭتارداعى № 6 جارلىعىنا مىناداي وزگەرىستەر ەنگىزىلسىن:

1-تارماقتا:

مىنا:

«قازاقستان رەسپۋبليكاسىنىڭ قورعانىس جانە اەروعارىش ونەركاسىبى مينيسترلىگى؛

قازاقستان رەسپۋبليكاسىنىڭ قوعامدىق دامۋ مينيسترلىگى؛»

دەگەن جولدار مىناداي رەداكسيادا جازىلسىن: «قازاقستان رەسپۋبليكاسىنىڭ سيفرلىق دامۋ، قورعانىس جانە اەروعارىش ونەركاسىبى مينيسترلىگى؛

قازاقستان رەسپۋبليكاسىنىڭ اقپارات جانە قوعامدىق دامۋ مينيسترلىگى؛»؛

«قازاقستان رەسپۋبليكاسىنىڭ اقپارات جانە كوممۋنيكاسيالار مينيسترلىگى» دەگەن جول الىپ تاستالسىن.

6. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

7. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ

پرەزيدەنتى                                                                              ن. نازاربايەۆ

استانا، اقوردا، 2019 جىلعى 25 اقپان

                №848