مەملەكەت باسشىسى نۇرسۇلتان نازاربايەۆ ۇلتتىق بانك ءتوراعاسى بولعان دانيار اقىشيەۆتىڭ وتستاۆكاسىن قابىلدادى، دەپ حابارلايدى Qamshy.kz اقپارات اگەنتتىگى.
سەنات وتىرىسىندا دەپۋتاتتار ۇلتتىق بانك ءتوراعالىعىنا ەربولات دوسايەۆتىڭ ۇمىتكەرلىگىن قولداعان ەدى.
«مەملەكەت باسشىسىنىڭ تاپسىرماسىمەن ۇلتتىق بانك ءتوراعالىعىنا ۇمىتكەردى ۇسىنباقپىن. نۇرسۇلتان نازاربايەۆ بۇل ورىنعا ەربولات دوسايەۆتى لايىق دەپ سانايدى. ول قىزمەتى ۋاقىتىندا ءوزىن بىلىكتى قارجىگەر رەتىندە كورسەتە الدى. ونىڭ تاعايىندالۋىنا كەلىسىمدەرىڭىزدى بەرۋلەرىڭىزدى سۇرايمىن»، - دەدى پرەزيدەنت اكىمشىلىگىنىڭ ءتوراعاسى اسەت يسەكەشيەۆ.
ايتا كەتەيىك، ەربولات دوسايەۆ 1970 جىلدىڭ 21 مامىرىندا الماتى قالاسىندا دۇنيەگە كەلدى.
ءارى قاراي:
- 1997 ج. - «تۇران الەم بانكى» جاق باسقارما ءتوراعاسىنىڭ ورىنباسارى، «اتف بانك» جاق باسقارما ءتوراعاسى؛
- 1998 ج. - قازاقستان رەسپۋبليكاسى پرەمەر-مينيسترى كەڭەسشىسى؛
- 1998 ج. – قازاقستان رەسپۋبليكاسى ەنەرگەتيكا، يندۋستريا جانە ساۋدا ۆيسە-مينيسترى؛
- 2000 ج. – قازاقستان رەسپۋبليكاسى قارجى ۆيسە-مينيسترى؛
- 2001 ج. – قازاقستان دامۋ بانكى ديرەكتورلار كەڭەسىنىڭ ءتوراعاسى؛
- 2001-2003 جج. - قازاقستان رەسپۋبليكاسى تابيعي مونوپوليالار، باسەكەلەستىكتى قورعاۋ جانە شاعىن بيزنەستى قولداۋ اگەنتتىگىنىڭ ءتوراعاسى؛
- 2003 - 2004 جج. - قازاقستان رەسپۋبليكاسىنىڭ قارجى ءمينيسترى؛ قازاقستانداعى ەۋروپالىق قايتا قۇرۋ جانە دامۋ بانكىنىڭ باسقارۋشىسى؛ قازاقستان رەسپۋبليكاسى ۇلتتىق بانكىنىڭ باسقارما مۇشەسى؛
- 2004 - 2006 جج. - قازاقستان رەسپۋبليكاسىنىڭ دەنساۋلىق ساقتاۋ ءمينيسترى؛
- 2006 - 2012 جج. «قازينۆەستبانك» اق ديرەكتورلار كەڭەسىنىڭ ءتوراعاسى؛
- 2012 جىلعى 25 قىركۇيەكتەن قازاقستان رەسپۋبليكاسىنىڭ ەكونوميكالىق دامۋ جانە ساۋدا ءمينيسترى.
- 2013 جىلعى 16 قاڭتاردان قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ ءمينيسترى.
- 2014 جىلعى 6 تامىزى - 2016 جىلعى 5 مامىر ارالىعىندا -قازاقستان رەسپۋبليكاسىنىڭ پرەزيدەنتىنىڭ جارلىعىمەن (№ 880) قازاقستان رەسپۋبليكاسىنىڭ ۇلتتىق ەكونوميكا ءمينيسترى بولىپ تاعايىندالدى.
- 2016 جىلعى 16 مامىردان - «بايتەرەك»ۇلتتىق باسقارۋشى حولدينگى باسقارماسىنىڭ ءتوراعاسى بولىپ تاعايىندالدى.
ال دانيار اقىشيەۆ 2007 جىلدىڭ تامىزىنان بۇگىنگە دەيىن ۇلتتىق بانك ءتوراعاسى بولدى.
ۇسىنعان: گۇلىم جاقان
پىكىر قالدىرۋ