ق ر پرەمەر-مينيسترىنىڭ ورىنباسارى بولىپ جەڭىس قاسىمبەك تاعايىندالدى، دەپ حابارلايدى Qamshy.kz اقپارات اگەنتتىگى ق ر پارلامەنتى ءماجىلىسىنىڭ باسپا ءسوز قىزمەتىنىڭ دەرەگىن نەگىزگە الىپ. 

دەپۋتاتتار  جەڭىس قاسىمبەكتىڭ كانديداتۋراسىن ءبىراۋىزدان ماقۇلدادى.

ول بۇعان دەيىن قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترى بولىپ قىزمەت ەتكەن بولاتىن.

جەڭىس قاسىمبەك 1975 جىلى 7 مامىردا دۇنيەگە كەلدى.

قازبسقا (الماتى ق.) «ساۋلەتشى-ديزاينەر» ماماندىعى بويىنشا، سونداي-اق ل.ن. گۋميليەۆ اتىنداعى ەۇۋ «ەكونوميست-مەنەدجەر» ماماندىعى بويىنشا اياقتادى، ەكونوميكا عىلىمدارىنىڭ كانديداتى

ءار جىلدارى ق ر تابيعي مونوپوليالاردى رەتتەۋ جانە باسەكەلىستىكتى قورعاۋ جونىندەگى اگەنتتىكتىڭ تەمىر جول كولىگى جانە پورتتار ءبولىمىنىڭ باسشىسى، ۇيلەستىرۋ جانە تاريفتىك ساياسات دەپارتامەنتىنىڭ تاريفتىك ساياسات ءبولىمىنىڭ باسشىسى، ق ر كولىك جانە كوممۋنيكاسيا مينيسترلىگىنىڭ سۋ كولىگى دەپارتامەنتىنىڭ ديرەكتورى، «اقتاۋ حالىقارالىق تەڭىز پورتى» رمك ديرەكتورى لاۋازىمىن اتقاردى.

2005 جىلدان باستاپ – قازاقستان رەسپۋبليكاسى كولىك جانە كوممۋنيكاسيا ۆيسە-مينيسترى.

2009 جىلدان باستاپ - قازاقستان رەسپۋبليكاسى كولىك جانە كوممۋنيكاسيا مينيسترلىگىنىڭ جاۋاپتى حاتشىسى.

2014 جىلعى ناۋرىزدان باستاپ – قازاقستان رەسپۋبليكاسى كولىك جانە كوممۋنيكاسيا ءمينيسترى.

2014 جىلعى تامىزدان باستاپ – قازاقستان رەسپۋبليكاسى ينۆەستيسيالار جانە دامۋ ءبىرىنشى ۆيسە-مينيسترى.

2016 جىلعى ماۋسىمنان باستاپ – قازاقستان رەسپۋبليكاسى ينۆەستيسيالار جانە دامۋ ءمينيسترى.

ناگرادالار: «قۇرمەت» (2007 ج.) جانە «پاراسات» وردەندەرى (2017 ج.)، «قازاقستان رەسپۋبليكاسىنىڭ تاۋەلسىزدىگىنە 10 جىل» (2001 ج.)، «استاناعا 10 جىل» (2008 ج.) جانە «قازاقستان كونستيتۋسياسىنا 20 جىل» مەرەيتويلىق مەدالدەرى (2015 ج.).