قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترى بولىپ رومان سكليار تاعايىندالدى، دەپ حابارلايدى Qamshy.kz اقپارات اگەنتتىگى ق ر پارلامەنتى ءماجىلىسىنىڭ باسپا ءسوز قىزمەتىنىڭ دەرەگىن نەگىزگە الىپ. 

دەپۋتاتتار  رومان سكلياردىڭ كانديداتۋراسىن ءبىراۋىزدان ماقۇلدادى.

بۇعان دەيىن بۇل قىزمەتتى جەڭىس قاسىمبەك اتقارعان بولاتىن. 

سكليار رومان 1971 جىلعى 8 مامىردا پاۆلودار قالاسىندا تۋعان.

«ينجەنەر-قۇرىلىسشى» ماماندىعى بويىنشا پاۆلودار مەملەكەتتىك ۋنيۆەرسيتەتىن، سونداي-اق «ەكونوميست» ماماندىعى بويىنشا ماسكەۋ قازىرگى زامان بيزنەس ينستيتۋتى مەن «زاڭگەر» ماماندىعى بويىنشا قازاق قۇقىقتانۋ جانە حالىقارالىق قاتىناستار ينستيتۋتىن بىتىرگەن.

ەڭبەك جولىن 1989 جىلى «ەكيباستۋزۋگلەاۆتوماتيكا» مونتاجداۋ-جوندەۋ باسقارماسىندا سلەسار-مونتاجشى بولىپ باستاپ، كەيىن «ۆاحينۆەست» بك-دا تەحنيكالىق قاۋىپسىزدىك جونىندەگى ينجەنەر جانە كوممەرسيالىق سالادا قىزمەت ەتكەن.

2002-2003 جىلدارى پاۆلودار وبلىستىق دارمەنسىز بورىشكەرلەرمەن جۇمىس جونىندەگى كوميتەتى باسقارماسىنىڭ ءبولىم باستىعى، 2003-2005 جج. پاۆلودار قالاسىندا مەملەكەتتىك ساتىپ الۋ باسقارماسىنىڭ باستىعى، پاۆلودار وبلىسى اكىمىنىڭ باس ينسپەكتورى بولىپ ەڭبەك ەتتى. 2005-2006 جج. پاۆلودار قالاسى اكىمىنىڭ ورىنباسارى، اپپارات جەتەكشىسى، 2006-2007 جج. استانا قالاسى اكىمى اپپاراتىنىڭ ينفراقۇرىلىمدى دامىتۋ ءبولىمىنىڭ مەڭگەرۋشىسى قىزمەتىن اتقارعان.

ودان كەيىن استانا قالاسىنىڭ ەنەرگەتيكا جانە كوممۋنالدىق شارۋاشىلىق (باسقارما باسشىسى) دەپارتامەنتىنىڭ ديرەكتورى (10.2007-10.2008) بولدى. 2008 جىلعى قازان ايىنان 2010 جىلعى قاراشا ايىنا دەيىنگى مەرزىمدە پاۆلودار وبلىسى اكىمىنىڭ ورىنباسارى، پاۆلودار وبلىسى اكىمىنىڭ ءبىرىنشى ورىنباسارى لاۋازىمىندا قىزمەت ەتكەن.

2011 جىلعى 17 مامىردان 2013 جىلعى قازان ايىنا دەيىن ق ر كولىك جانە كوممۋنيكاسيا ۆيسە-مينيسترى، 2014-2016 جج. «قازاقستان تەمىر جولى» اق ۆيسە-پرەزيدەنتى بولعان. 2016 جىلعى ناۋرىزدا «نۇر وتان» پارتياسىنان ق ر پارلامەنتى ءماجىلىسىنىڭ VI شاقىرىلىم دەپۋتاتى بولىپ سايلاندى، ەكونوميكالىق رەفورما جانە ايماقتى دامىتۋ كوميتەتىنىڭ ءتوراعاسى قىزمەتىن اتقارعان. 2016 جىلعى مامىر ايىندا ق ر ۇلتتىق ەكونوميكا ۆيسە-مينيسترى (05.2016-23.12.2016) بولدى.

2016 جىلعى 23 جەلتوقساندا ق ر ينۆەستيسيالار جانە دامۋ ۆيسە-مينيسترى قىزمەتىنە تاعايىندالعان بولاتىن.

«قۇرمەت»، «پاراسات» وردەندەرى (2017 ج.) «استانانىڭ 10 جىلدىعى»، «ق ر تاۋەلسىزدىگىنىڭ 20 جىلدىعى»، «قازاقستان حالقى اسسامبلەياسىنىڭ قوعامدىق «بىرلىك» التىن مەدالى» مەرەيتويلىق مەدالدارىمەن ماراپاتتالعان.