ستيۆەن پول دجوبس (اعىلش. Steven Paul Jobs، (اقپاننىڭ 24، 1955 – قازاننىڭ 5، 2011) – امەريكالىق ونەرتاپقىش جانە بيزنەس-ماگنات. Apple كورپوراسياسىنىڭ نەگىزىن قالاۋشى جانە ديرەكتورلار كەڭەسىنىڭ ءتوراعاسى بولدى. سونىمەن قاتار ستيۆ دجوبس Pixar Animation Studios كومپانياسىنىڭ سەو قىزمەتىن دە اتقاردى. 2006 جىلى The Walt Disney Company Pixar كومپانياسىن ساتىپ العان بولاتىن، ال ستيۆ دجوبس Disney كومپانياسىنىڭ ديرەكتورلار كەڭەسىنە مۇشە بولدى. 1995 جىلى شىققان «ويىنشىقتار وقيعاسى» اتتى ءمۋلفيلمنىڭ اتقاراۋشى پروديۋسەرى رەتىندە كورسەتىلگەن ەدى.

ستيۆ دجوبس اقش تاريحىندا تابىستى كومپانيالاردىڭ ءبىرىن قۇرىپ قانا قويماي، ۇزاق جىلدار ونىڭ باسشىسى بولعاندار اراسىنداعى ەرەكشە تۇلعا. «Apple» ينتەرنەت تەحنولوگيالار جاعىنان الەمدەگى ەڭ ءىرى كومپانياعا اينالىپ، Microsoftتى ارتتا قالدىردى. "Apple" كومپانياسى نەگىزىنەن ءوزىنىڭ جاڭا نوۋتبۋكتارى جانە «iPhoneن» سمارتفوندارى مەن «iPad» پلانشەتتەرى ارقىلى قالىڭ كوپشىلىككە تانىمال. 

ول 56 جاسىندا اسقازان بەزىنىڭ قاتەرل ىسىگىنەن قايتىس بولدى.

Qamshy.kz اقپارات اگەنتتىگى ستيۆەن دجوبستىڭ ومىرلىك ماڭىزى بار فيلوسوفيالىق ۇلاعاتتى سوزدەرىن ۇسىنادى.

***

«مەن ىسكەر ادامداردىڭ الەمىندە جۇرت جەتپەگەن شىڭعا شىقتىم، باسقا جۇرتتىڭ كوزىمەن ماعان قاراعاندار مەنىڭ ءومىرىمدى كەرەمەت تابىستى ءومىردىڭ ۇلگىسى دەپ سانايدى. ءبىراق، مەنىڭ ومىرىمدە، جۇمىستان باسقا قۋانىشىم كوپ بولعان ەمەس. توق ەتەرىن ايتقاندا، بايلىق – مەنىڭ ءومىرىمنىڭ ءبىر عانا شىنايى كورىنىسى، ۇيرەنشىكتى، قالىپتاسقان كورىنىسى.

ءقازىر توسەكتە اۋرۋ بولىپ جاتىرمىن، بۇكىل ءومىرىمدى كوز الدىمنان جۇگىرتىپ وتكىزسەم، مەنىڭ بار بايلىعىم مەن اتاعىم – اجالعا ءبىر كۇنى جەتەكتەپ اپاراتىن ەڭ جوعارعى ءومىر شىندىعىنىڭ تۇككە تۇرعىسىز، ءمان-ماعىناسىز ءبىر نارسەسى عانا ەكەنىن ءتۇسىندىم.

ءسىز كولىگىڭىزدى جۇرگىزەتىن ادامدى جالداپ الۋىڭىزعا بولادى، ءسىز ءۇشىن ەڭبەك ەتىپ تابىس اكەلەتىن ادامداردى جالداپ الۋىڭىزعا بولادى، ءبىراق ءسىز ەشكىمدى ءسىزدىڭ اۋرۋىڭىزدى وزىنە الىپ اۋىراتىن ادامدى اقشاڭىزعا جالداي المايسىز.

دۇنيە مەن مۇلىكتى ىزدەپ ساتىپ الۋىڭىزعا بولادى. ءبىر عانا نارسەنى – ءومىردى، جوعالعان ءومىرىڭدى ىزدەپ، ساتىپ الا المايسىڭ.

ءومىردىڭ ەركەتايى بولىڭىز. باسقالاردى سىيلاڭىز.

ادام ەسەيگەن سايىن اقىلى تولىسادى، تۇسىنە باستايدى. 30 دوللار تۇراتىن ساعات پەن 300 دوللار تۇراتىن ساعات ەكەۋى بىردەي ۋاقىتتى كورسەتەدى ەكەن...

30 دوللار تۇراتىن ءاميان مەن 300 دوللار تۇراتىن ءامياننىڭ ىشىنە بىردەي اقشا سىيادى ەكەن...

150 مىڭ دوللار تۇراتىن كولىكپەن دە، 30 مىڭ دوللار تۇراتىن كولىكپەن دە، جولى دا، قاشىقتىعى بىردەي جەرگە جەتەمىز...

باعاسى 300 دوللار تۇراتىن نەمەسە 10 دوللار تۇراتىن شاراپتىڭ «كايفى» بىردەي...

300 نەمەسە 3000 شارشى مەترلىك پاتەردە جالعىز تۇرساڭ، جالعىزدىعىڭ ەكەۋىندە دە بىردەي...

ءسىزدىڭ ىشكى جان دۇنيەڭىزدىڭ باقىتى مال-مۇلىك پەن دۇنيەدەن ءنار المايدى.

ءسىز ءبىرىنشى كلاسپەن نەمەسە ەكونوم كلاسپەن ۇشىڭىز، ەگەر ۇشاق قۇلاسا، ءبارى بىرگە قۇلايدى.

ەگەر ءسىزدىڭ سويلەسەتىن دوستارىڭىز نەمەسە سويلەسىپ تۇراتىن ادامىڭىز بولسا، ءبىلىپ قويىڭىز، ناعىز باقىت سول!

داۋسىز بەس شىندىق:

1.بالالارىڭدى باي بولسىن دەپ تاربيەلەمە، باقىتتى بولسىن دەپ تاربيەلە. سوندا عانا ولار وسكەندە، دۇنيەنىڭ باعاسىن ەمەس، ءار نارسەنىڭ قۇندىلىعىن بىلەتىن بولادى.

2.«اسىڭدى شيپالى ءدارى دەپ ءىش». ولاي ەتپەسەڭ، تاماعىڭ تەك ءدارى بولادى».

3.ءسىزدى سۇيەتىن ادامدار، ءسىز قانشا «كەرەكسىز» بولساڭىز دا، ءسىزدى ەشۋاقىتتا تاستاپ كەتپەيدى.

4.ادام بولۋ مەن ادامگەرشىلىكتى بولۋدىڭ ۇلكەن ايىرماشىلىعى بار.

5.تەز جۇرگىڭىز كەلسە، جالعىز ءجۇرىڭىز! الىسقا بارعىڭىز كەلسە، بىرگە ءجۇرىڭىز!

الەمدەگى ەڭ مىقتى 6 دارىگەر:

1.كۇننىڭ ساۋلەسى

2.دەمالىس

3.سپورتتىق جاتتىعۋ

4.ديەتا

5.وزىڭە سەنىمىڭ

6.دوستارىڭ

ءومىر بويى وسىلارمەن بىرگە بول... 

 دەرەككوزدەر: madeniportal.kz، kk.wikipedia.org

اۋدارعان: ماقپال سەمباي