«نۇر وتان» پارتياسىنىڭ كەزەكتى XVIII سەزىندە باس پارتيانىڭ لوگوتيپى جاڭاردى. جاڭا لوگوتيپتى پارتيا ءتوراعاسىنىڭ ءبىرىنشى ورىنباسارى ماۋلەن اشىمبايەۆ تانىستىردى. ۇسىنىلىپ وتىرعان لوگوتيپتە كۇننىڭ 17 ساۋلەسى بەينەلەنگەن. قازاق ءتىلىنىڭ لاتىن الىپبيىنە كوشۋىنە بايلانىستى پارتيا اتاۋى لاتىن ارپىمەن جازىلعان. پارتيا ءتوراعاسىنىڭ ءبىرىنشى ورىنباسارى لوگوتيپ تۋرالى بىلاي دەپ ءتۇسىندىرىپ ءوتتى.
«سوڭعى بەس جىلدىڭ ىشىندە زاڭنامالىق وزگەرىستەر مەن جاڭا تاجىريبەلەرگە سايكەس، پارتيا جارعىسىنا كەيبىر نورمالاردى ەنگىزۋ قاجەتتىگى تۋىنداپ وتىر. ەڭ الدىمەن، قازاق ءتىلىنىڭ لاتىن الىپبيىنە كوشۋىنە بايلانىستى پارتيانىڭ مەملەكەتتىك تىلدەگى اتاۋىندا لاتىن ارىپتەرىن قولدانۋ ۇسىنىلۋدا. ەكراننان پارتيانىڭ جاڭارتىلعان لوگوتيپىن كورۋلەرىڭىزگە بولادى. ۇسىنىلىپ وتىرعان لوگوتيپتە كۇننىڭ 17 ساۋلەسى بەينەلەنگەن. ول ءبىزدىڭ وبلىستارىمىز بەن الماتى، شىمكەنت، استانا قالالارىن سيمۆوليكالىق تۇرعىدا بەينەلەيدى. وسى رەتتە پارتيانىڭ لاتىن الىپبيىندەگى اتاۋىن - پارتيا ءتوراعاسىنىڭ ءوز قولىمەن جازعانىن اتاپ وتكىم كەلەدى».
پىكىر قالدىرۋ