ەلىمىزدەگى ارالاس ەرەجەسىز جەكپە-جەك ارلانى قۋات نايمان حاميتوۆتىڭ كەلەسى جەكپە-جەگى 26ء-ساۋىر كۇنى ماسكەۋ قالاسىندا وتەتىن بولدى. بۇل تۋرالى نايمان ءوزىنىڭ ينستاگرام پاراقشاسىندا جاريالادى.
ەكى سپورتشى دا جەڭىل سالماقتا (70 كگ.) ونەر كورسەتەدى. قارسىلاس ازەربايجان ەلىنىڭ سپورتشىسى – ناريمان ابباسوۆ. بۇل جولى قارسىلاستار FIGHT NIGHTS GLOBAL بەلدىگىنە تالاساتىن بولادى. ازەربايجان سپورتشىسى ناريمان ابباسوۆ وسى ۋاقىتقا دەيىن 20 كەزدەسۋ وتكىزىپ، ونىڭ 3-ەۋىندە جەڭىلىسكە ۇشىراعان.
قازىرگى تاڭدا قازاق سپورتشىسى قۋات نايمان تايلاند ەلىندە جاتتىعۋ جۇمىستارىن جۇرگىزىپ، باسەكەگە قىزۋ دايىندىق ۇستىندە.
ەستەرىڭىزگە سالا كەتەيىك، 2017 جىلدىڭ قاراشا ايىندا قۋات نايمان يرلانديالىق اتاقتى ماكگرەگور كونوردىڭ سپاررينگ سەرىكتەسى پيتەر كۋيلليمەن كەزدەسىپ جەڭىسكە جەتكەنى بەلگىلى. ءبىراق ارتىنان بۇل تايتالاستى قايتا قاراعان رەسەي مما وداعىنىڭ تاۋەلسىز اپەللياسيالىق كوميسسياسى نايماننىڭ جەڭىسىن جوققا شىعاردى. كوميسسيا "ەسەپ تەڭ اياقتالدى" دەگەن شەشىم شىعاردى.
