قوعام بەلسەندىسى، زاڭگەر ايگۇل ورىنبەك الەۋمەتتىك جەلىدەگى پاراقشاسىندا ۇلجان ەسىمدى ءتورت بالالى ايەلدىڭ بالالارى تەرى اۋرۋىنا شالدىققانى جايىندا جازبا جاريالادى، دەپ حابارلايدى Qamshy.kz اقپارات اگەنتتىگى. 

دارىگەرلەردىڭ سالعىرتتىعىنان بۇگىندە بالالاردىڭ اۋرۋى تىم اسقىنىپ بارا جاتقانىن ايتىپ، زاڭگەر دابىل قاعادى.

"SOS! بالالاردىڭ باسى قۇرتتاپ جاتىر!

ءبىرتانوۆ قايدا قاراپ وتىرسىز؟

ءتۇن ىشىندە ءتورت بالانىڭ اناسى ۇلجان حابارلاستى.
ءتورت بالاسىنىڭ باسىنا جارا شىعىپ، 2018 جىلى جەلتوقساندا شىمكەنت قالاسىنىڭ "تەرى اۋرۋلار ەمدەيتىن" ەمحاناسىنا بارعان ەكەن. ءبىراز ۋاقىت ەم الىپ بولعان سوڭ، "ۋ ۆاس ۋلۋچشەنيە" شىعا بەرسەڭىزدەر بولادى"- دەدى ۇلجان.
الايدا بالالارىنىڭ باسىنداعى جارالارى ىرىڭدەپ، قىزۋى كوتەرىلىپ اۋىرا باستاعان سوڭ ەمحاناعا قايتا كەلگەن. "تەگىن جاتۋ ءۇشىن قۇجات راسىمدە، پورتال ارقىلى كەلەسىڭ" دەگەن سوڭ، بۇكىل قۇجاتتاردى اۋىلعا بارىپ دايىندادىم، ەرتەسىنە ەمحاناعا كەلىپ اناليز جاساتتىم. ءبىر قىزىمدا ينفەكسيا بار، قالعان ۇشەۋىندە جوق"- دەپ بەردى لابوراتوريا. "سوسىن مەن سول ەمحاناداعى اقىلى لابوراتورياعا بارىپ تاپسىردىم. ول جەردە ينفەكسيا جۇقپالى دەپ انىقتاپ بەردى"- دەپ جىلاپ وتىر. "قانىنا ءوتىپ كەتكەن، ەندى سۇيەككە ءوتۋى مۇمكىن"- دەپ وتىر باسقا ۆراچتار. "مەن نە ىستەيمىن اپكە؟"- دەپ جىلاعان ۇلجاندى نە دەپ جۇباتارىمدى بىلمەدىم. "ءبىرىنشى كەزدە ۆراچتار جاقسىلاپ قاراسىن دەپ 25 مىڭ اقشا بەردىم، ەندى ولارعا قايتا-قايتا بەرە بەرەتىن اقشام دا جوق. بالالار ءۇش ايدان بەرى مەكتەپكە بارمادى. بۇل جارا ماعان دا جۇقتى. ءبىز ءقازىر ۇيدەمىز. ەرتەڭ ءبارىمىز ءبىر ۇيدە ءشىرىپ، ءولىپ قالساق قانا قارايدى ما بىزگە؟ مەملەكەتتەن قانشاما اقشا ءبولىنىپ جاتىر، نەگە بىزگە جاقسىلاپ قارامايدى؟"- دەپ ەڭىرەگەن ۇلجانمەن ەرتەڭ تاڭدا تىكەلەي ەفير تۇسىرەتىن بولدىم. 
"بۇكىل وبلىستىق دەنساۋلىق ساقتاۋ دەپارتامەنتىنە قاراستى، تەرى اۋرۋلارى ەمحاناسىنىڭ زاڭسىزدىقتارىن ايتىپ بەرەم، اپكە. مەن سياقتى جىلاپ جۇرگەندەر وتە كوپ!"- دەپ وتىر.