ەلباسى نۇرسۇلتان نازاربايەۆ مىسىر پرەزيدەنتى ابدەل فاتتاح اس-سيسيگە كوڭىل ايتتى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.
مەملەكەت باسشىسى كاير قالاسىنىڭ تەمىرجول ۆوكزالىنداعى جارىلىس سالدارىنان كوپتەگەن ادامنىڭ قازا بولعانى تۋرالى حاباردى زور كۇيزەلىسپەن قابىلدادى.
«قازاقستان حالقىنىڭ جانە جەكە ءوزىمنىڭ اتىمنان قازا بولعانداردىڭ وتباسىلارى مەن جاقىندارىنا كوڭىل ايتامىن. زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن»، – دەلىنگەن جەدەلحاتتا.
ەسكە سالايىق، وسىعان دەيىن كايردە پويىز پاتقا ۇشىراپ، 24 ادامنىڭ قازا تاپقانى حابارلانعان بولاتىن. الدىن الا مالىمەت بويىنشا، پويىز تاعى ءبىر پويىزبەن نەمەسە پلاتفورمامەن سوقتىعىسىپ، ارتىنشا ورتەنگەن.
ۇسىنعان: نازەركە لابيحان
