ساياساتتانۋشى ەلىمىزدىڭ الەۋمەتتىك جانە ەكونوميكالىق ساياساتىن مودەرنيزاسيالاۋ كەرەك دەپ ەسەپتەيدى.  قازاقستاندىق ساياساتتانۋشى دانيار اشىمبايەۆ كەشە استانادا وتكەن "نۇر وتان" پارتياسىنىڭ سەزىنە قاتىستى پىكىر ءبىلدىردى دەپ جازادى Qamshy.kz اقپارات اگەنتتىگى sputniknews.kz سايتىنىڭ دەرەگىن نەگىزگە الىپ. 

ساياساتتانۋشىنىڭ ايتۋىنشا، سەزدىڭ نەگىزگى كۇن ءتارتىبى پارتيانىڭ ساياسي كەڭەسىنىڭ باعدارلاماسى، كەڭەستىڭ جارعىسى جانە قۇرامىنىڭ جاڭارۋىنا قاتىستى بولدى. ال كوپشىلىك سەزد كەزىندە باسقارۋشى پارتيانىڭ ىشىندە جاڭا ەلەكتورالدىق كەزەڭ باستالادى دەپ كۇتتى، دەيدى اشىمبايەۆ. 

"ۇكىمەتتىڭ وتستاۆكاسى دا، ۇلتتىق بانك باسشىسىنىڭ اۋىسۋى وسىعان ىڭعايلاستىرىلدى. ادەتتەگىدەن اۋقىمدىراق باعدارلاما بولادى دەپ كۇتىلدى. سونىمەن، سايلاۋ ماسەلەسى بەلگىلى ءبىر ۋاقىتقا شەگەرىلدى. پرەزيدەنت مەيلىنشە لايىقتى كانديداتۋرانى تاڭداپ قويعان سەكىلدى. ءبىراق بەلگىلى ءبىر ۋاقىتقا ترانزيت ماسەلەسىن جاۋىپ قويدى"، - دەدى دانيار اشىمبايەۆ.

ساراپشىنىڭ پايىمداۋىنشا، نۇرسۇلتان نازاربايەۆتىڭ سەزدە جاريا ەتكەن الەۋمەتتىك باستامالارى سوڭعى ۋاقىتتاعى قوعامداعى الەۋمەتتىك شيەلەنىسكە جاۋاپ بولىپ وتىر.

دەگەنمەن، تەك الەۋمەتتىك تولەمدەردىڭ مولشەرىن ارتتىرۋ جەتكىلىكسىز. ەلىمىزدىڭ الەۋمەتتىك ساياساتىن جانە ەكونوميكالىق ساياساتتى مودەرنيزاسيالاۋ ماسەلەسى وزەكتى. ساياساتتانۋشىنىڭ ايتۋىنشا، ۇكىمەت ازىرگە مۇنى جاساعان جوق، ال وسىنداي ستراتەگيانى ازىرلەۋدى ۋاقىت تالاپ ەتىپ وتىر.

ۇسىنعان: اسەل بولات قىزى