مەملەكەت باسشىسىنىڭ وكىمىمەن جانسەيىت قانسەيىت ۇلى تۇيمەبايەۆ قازاقستان حالقى اسسامبلەياسى ءتوراعاسىنىڭ ورىنباسارى، قازاقستان رەسپۋبليكاسى پرەزيدەنتى اكىمشىلىگىنىڭ قازاقستان حالقى اسسامبلەياسى حاتشىلىعىنىڭ مەڭگەرۋشىسى قىزمەتىنە تاعايىندالدى دەپ حابارلايدى Qamshy.kz اقپارات اگەنتتىگى اقوردانىڭ رەسمي سايتىنا سىلتەمە جاساپ.

جانسەيىت قانسەيىت ۇلى تۇيمەبايەۆ 1958 جىلى وڭتۇستىك قازاقستان وبلىسىندا دۇنيەگە كەلگەن، فيلولوگيا عىلىمىنىڭ كانديداتى، پروفەسسور. 

قازاق مەملەكەتتىك ۋنيۆەرسيتەتىن، ماسكەۋ مەملەكەتتىك الەۋمەتتىك ۋنيۆەرسيتەتىنىڭ زان فاكۋلتەتىن بىتىرگەن.

1980-1993 جىلدارى - قازاق مەملەكەتتىك ۋنيۆەرسيتەتىندە وقىتۋشى، دوسەنت.

1993-1994 جىلدارى - قازاقستان رەسپۋبليكاسى سىرتقى ىستەر مينيسترلىگىنىڭ ءبىرىنشى حاتشىسى، ءبولىم باستىعى.

1997-1999 جىلدارى - قازاقستان رەسپۋبليكاسى پرەزيدەنتى پروتوكول قىزمەتىنىڭ باس ساراپشىسى، قازاقستان رەسپۋبليكاسىنىڭ ىستانبۇل قالاسىنداعى باس كونسۋلى،

1999-2006 جىلدارى - ق ر پرەزيدەنتى پروتوكولىنىڭ جەتەكشىسى،

2004-2006 جىلدارى - قازاقستان رەسپۋبليكاسى پرەزيدەنتى پروتوكولىنىڭ جەتەكشىسى - قازاقستان رەسپۋبليكاسى پرەزيدەنتىنىڭ كەڭەسشىسى،

2006-2007 جىلدارى - قازاقستان رەسپۋبليكاسىنىڭ ءبىلىم جانە عىلىم ءمينيسترى،

2007-2010 جىلدارى رەسەي فەدەراسياسىنداعى توتەنشە جانە وكىلەتتى ەلشىسى،

2010-2016 جىلدارى قازاقستاننىڭ تۇركياداعى توتەنشە جانە وكىلەتتى ەلشىسى بولىپ قىزمەت اتقاردى.

2016 جىلعى 6 قازاندا وڭتۇستىك قازاقستان وبلىسىنىڭ اكىمى بولىپ تاعايىندالعان بولاتىن.

وتكەن جىلى 20 ماۋسىمدا قايتا قۇرىلعان تۇركىستان وبلىسىنا اكىم بولىپ تاعايىندالدى. 

"قازاق ءتىلىنىڭ تاريحي گرامماتيكاسى"، "قازىرگى قازاق ءتىلىنىڭ لەكسيكولوگياسى"، "قازاق ءتىلى"، "قازاق ءتىلى: گرامماتيكالىق انىقتامالىق"، ت.ب. كىتاپتاردىڭ اۆتورى.

"قۇرمەت" وردەنىمەن، مەدالدارمەن ماراپاتتالعان. 

ۇسىنعان: ماقپال سەمباي