ۇلكەندەردىڭ اشۋ ۇستىندە ابايسىزدا ايتىلعان اۋىر سوزدەرى بالانىڭ جۇرەگىنە داق تۇسىرەدى. ويتكەنى، بالانىڭ پسيحولوگياسى جاڭا وسكەن جاس شىبىقتاي تەز جارالانعىش كەلەدى. بالانىڭ بولمىسىنا اسەر ەتەتىن جاعدايلاردى وقىرمان نازارىنا ۇسىنادى Qamshy.kz اقپارات اگەنتتىگى asyldin.kz سايتىنا سىلتەمە قالدىرا وتىرىپ.

1. سوگۋ. حايۋاندارعا تەڭەي وتىرىپ بالانى سوگۋ. ماسەلەن، يت، ەسەك، وگىز، ەي، حايۋان دەپ.

2. قورلاۋ. تەرىس سيپاتتارمەن تىلدەۋ. ماسەلەن، كاززاپ، سەمىز، اقساق، ارام، بەيشارا. مۇنداي سوزدەر بۇعاناسى قاتپاعان بالانىڭ جۇرەگىنە داق سالادى.

3. تەڭەۋ. ءار بالانىڭ باسقاعا ۇقسامايتىن ءوزىنىڭ بەيىمى مەن قولىنان كەلەتىن يكەمى بولادى. ال، باسقا بىرەۋمەن تەڭەۋ – بالانى كەمسىتۋ. بالا بويىنداعى وزىنە دەگەن سەنىمدىلىكتى جويادى. ناتيجەدە، ءوزىن تەڭەگەن ادامداردى جەك كورە باستايدى. مىسالى، «وزىڭدەي كورشىنىڭ بالاسىنا قاراشى...» دەگەن سياقتى تەڭەۋلەردىڭ تەرىس اسە ەتەتىنىن اڭعارا بەرمەيتىنىمىز وكىنىشتى.

4. شارتپەن جاقسى كورۋ. «سەن بۇلاي ەتكەنىڭ ءۇشىن مەن سەنى جاقسى كورمەيمىن»، «مىنانى جەسەڭ، سەنى جاقسى كورەمىن»، «ساباعىڭدى دۇرىس وقىساڭ، جاتتاۋىڭدى قايتالاساڭ، سەن جاقسى كورەمىن». شارت قويىپ، جاقسى كورۋ بالانى قالاۋسىز جانە ەرىكسىز ارەكەت جاساۋعا يتەرمەلەيدى.

وسە كەلە، بالا ءوز وشاعىنان، وتباسىنان جىراقتاپ قالادى. سوندىقتان، بالا شىنايىلىقتى جاقسى كورەدى. ويتكەنى، بالا اتا-اناسىن ەشبىر شارتسىز سۇيەدى.

5. جالعان اقپارات. بالانى وتىرىك اقپاراتتىر ارقىلى قورقىتىپ نەمەسە الداۋ قورشاعان ورتا جايلى قاتە تۇسىنىك پەن ۇعىم قالىپتاسۋىنا سەبەپ بولادى. «جىلاساڭ، ميليسيا الىپ كەتەدى» دەپ قورقىتىپ وسىرگەن بالا ۇعىمىندا ميليسيا بەينەسى جاعىمسىز بولىپ قالىپتاسىپ قالۋى ابدەن مۇمكىن. «ەر ازامات جىلامايدى»، «مىنا بالا مەنى جىندى ەتتى»، «مەنىڭ بۇعان شامام كەلمەيدى»، «اللا سەنىڭ جازاڭدى بەرەدى»، «توزاققا لاقتىرادى»، «بىرەۋگە بەرىپ جىبەرەمىن»، «باباي كەلەدى نەمەسە ميليسيا اعاي الىپ كەتەدى» ت.س.س.

6. كوڭىلىن قالدىرۋ. بالانىڭ مەسەلىن قايتارىپ، كوڭىلىن قالدىرۋ – ونىڭ بويىنا سەنىمسىزدىك ۇيالاتۋمەن قاتار، تالپىنىستى جويادى. «سەن دىمدى دا تۇسىنبەيسىڭ»، «ءۇنىڭدى ءوشىر»، «سەنەن تۇك پايدا جوق»، ت.س.س.

7. قورقىتۋ. ماسەلەن، «باسىڭدى جارامىن»، «قانىڭدى ىشەمىن»، «سەنى سويامىن» ت.س.س.

8. وتىنىشىنە نەمقۇرايلى قاراۋ. ۇنەمى بالانىڭ سۇراعانىنا «جوق، جوق، جوق» دەپ، سەبەبىن تۇسىندىرمەي جاۋاپ قايىرۋ.

9. قارعاۋ. «سەنى قۇداي السىن»، «ولگەنىڭ جاقسى ەدى»، ت.س.س.

10. ماسقارالاۋ. بالانىڭ نامىسىنا تيەتىن سوزدەر ايتۋ.

مىنە، وسى ون ءسوز. زەرتتەۋ بويىنشا بالا ءجاسوسپىرىم شاققا دەيىن اتا-اناسىنان 16 مىڭ سوگىس ءسوز ەستيتىن كورىنەدى. ويلاپ قاراساق، سەگىز جاسقا جەتپەگەن بالانىڭ سوزدىك قورىندا 5 مىڭعا جۋىق جامان سوزدەر بولادى. بالاعا ايتىلعان ءاربىر ءسوز ونىڭ بولاشاعىنا ەلەۋلى اسەر ەتەتىنىن عالىمدار دا دالەلدەپ وتىر. 

تاعى ءبىر دەرەككە سۇيەنسەك، اتا-انالارى وتە قاتال بالالار كوپ جاعدايدا سانالى تۇردە وز-وزدەرىن جارالايدى ەكەن. اتا-انانىڭ بالاعا دۇرىس تاربيە بەرە الماۋى بالا بولمىسىنىڭ بۇزىلۋىنا اكەلىپ سوعادى. وسىنداي سوزدەردەن اۋلاق بولىپ، تاربيەلى، ءماندى سوزدەردى كوپ ايتۋ كەرەك.