قىسقى مەرەكەلەردىڭ الدىندا استرولوگ يرينا ابدرايموۆا قازاقستاندىقتاردى 2019 جىلى كۇتىپ تۇرعان ماڭىزدى وقيعالاردان حاباردار ەتىپ، اقپان ايىنىڭ ەلىمىز ءۇشىن اۋىر اي بولاتىنىن ەسكەرتكەن ەدى دەپ جازادى Qamshy.kz اقپارات اگەنتتىگى sputniknews.kz سايتىنىڭ دەرەگىنە سۇيەنىپ.

"ۇكىمەتتە، ساياسي ەليتادا كەلىسپەۋشىلىك بولۋى مۇمكىن، ساياسي جانە ءدىني الاۋىزدىق بولىپ، ىشتە جاتقان قاراما-قايشىلىقتار سىرتقا شىعۋى ىقتيمال. اقپان، شىلدە جانە قاراشادا جاپپاي نارازىلىقتار، ءدىني فاناتيزم جانە قوعامدا تەكەتىرەستەر بولىپ، ساياسي قايراتكەرلەر ءوز تارتىسىنىڭ نەگىزى رەتىندە ءدىندى الۋى مۇمكىن"، - دەگەن ەدى ءبىر جىلعا جاساعان بولجامىندا.

شىنىمەن دە، اقپان ايىندا ەلدى دۇرلىكتىرىپ، قوعامدا رەزونانس تۋدىرعان بىرنەشە وقيعا بولدى، سونىمەن قاتار ۇكىمەت اۋىستى.

حالىقتى الاڭداتقان اقپان ايىنان كەيىن كوكتەمنىڭ ءبىرىنشى ايى قانداي بولماق؟

"جاڭا ىستەردى 28 ناۋرىزدان باستاپ جوسپارلاڭىز"

استرولوگتىڭ ايتۋىنشا، ناۋرىز ايىنىڭ العاشقى ونكۇندىگى جوعارى ەموسينالدى فونعا يە. كوكتەمنىڭ كەلۋى ادامداردا ماحابباتقا قاجەتتىلىك پەن قۇشتارلىق وياتىپ، سەزىمتالدىعىن ارتتىرادى. بۇل مەزگىلدە ادامدار كۇتپەگەن قادامعا بارۋعا، توسىنسىي جاساپ، جاقىندارىن قۋانتۋعا بەيىم تۇرادى.

"ءبىرىنشى جانە ەكىنشى ناۋرىزدا عاشىق جاندار اراسىندا تۇسىنىسپەۋشىلىك، كيكىلجىڭ جيىلەپ، ەكى جاستىڭ جولدارى ايىرىلۋى مۇمكىن. اجىراسۋ سانى كوبەيۋى ىقتيمال"، - دەپ ەسكەرتتى ابدرايموۆا.

العاشقى ونكۇندىكتىڭ نەگىزگى استرولوگيالىق وقيعاسى – بۇل كەرتارتپا مەركۋريي.

"ءبىر جاعىنان، ءبىز جۇرەك قالاۋىنا قۇلاق اسامىز. ءبىراق، جاڭا جوبا، وقۋ، كاسىپورىندى تىركەۋ، دۇكەن، سالون اشۋ، كەلىسمشارت بەكىتۋ، ماڭىزدى قاعازدار راسىمدەۋ، جىلجىمايتىن مۇلىكتى ايىرباستاۋ، باسقا ءبىر جەرگە قونىس اۋدارۋ، تۇمىستىق تەحنيكا ساتىپ الۋ سەكىلدى شارۋالاردى بۇل ۋاقىتتا باستاماعان دۇرىس"، - دەيدى استرولوگ.

مامان ودان دا باستاعان ءىستى سوڭىنا دەيىن جەتكىزۋگە، قوردالانىپ قالعان ماسەلەنى شەشىپ، قاجەتسىز زاتتاردان ارىلۋعا، قاعازداردى رەتكە كەلتىرۋگە كەڭەس بەردى. كىم ءبىلسىن، بالكىم، باياعىدان ىزدەپ جۇرگەن ماڭىزدى قۇجاتتارىڭىز تابىلىپ قالار.

سونىمەن قاتار، ەسكى كەلىسىمدەردى قايتا قاراستىرىپ، ىنتىماقتاستىق شارتتارىن وزگەرتىپ، بۇرىننان جاقسى تانىس دوستارمەن جۇزدەسۋگە قولايلى كۇن.

التىنشى ناۋرىزدا ۋراننىڭ تورپاق جۇلدىزناما بەلگىسىنە اۋىسۋى تولىعىمەن اياقتالادى. بۇل الداعى بىرنەشە جىلدا بيلىكتە ماڭىزدى وزگەرىستەر بولادى دەگەندى بىلدىرەدى.

"جاڭا ىستەردى 28 ناۋرىزدان باستاپ جوسپارلاعان ابزال. بۇل كەزەڭ ديزاينەرلەر، جازۋشىلار مەن سۋرەتشىلەر، كينو سالاسىنىڭ ادامدارى، ءبىر سوزبەن ايتساق شىعارماشىل جانداردىڭ شابىتىن وياتىپ، تاماشا تۋىندىلاردىڭ دۇنيەگە كەلۋىنە سەپتىگىن تيگىزەدى"، - دەيدى استرولوگ.

وسى ارالىقتا ادامدار ءوزىن-وزى جوعارى باعالاپ، وزگەگە وزدەرىن تانىتۋعا، باسقا قىرىنان كورسەتۋگە تىرىسادى.

"ۆاليۋتا باعامى كۇرت وزگەرۋى مۇمكىن"

"ناۋرىزدىڭ ءبىرىنشى ونكۇندىگىندە توقتى، ارىستان، مەرگەن بەلگىلەرى كاسىپكەرلىكپەن اينالىساردا ەنەرگيا تاپشىلىعىن سەزىنۋى مۇمكىن"، - دەپ ەسكەرتتى استرولوگ.

بۇعان قوسا، ناۋرىزدا بيرجادا باعالار ارى-بەرى قۇبىلىپ، ۆاليۋتا باعامى كۇرت وزگەرۋى مۇمكىن.  

ناۋرىزدىڭ ەكىنشى ونكۇندىگى وت پەن اۋا بەلگىسىندەگى جۇلدىزنامالارعا ەنەرگيا اعىنىن، كۇش-قۋات پەن سەنىمدىلىك سىيلايدى. بۇل ماڭىزدى ءىس-قيمىل كەزەڭى، سوندىقتان ۋاقىت جوعالتپاعان ابزال.

ناۋرىز – ناعىز جاڭا جىل

21 ناۋرىزدا استانا ۋاقىتىمەن ساعات 03:58-دە وتە ماڭىزدى استرولوگيالىق وقيعا – استرولوگيالىق جاڭا جىل بولادى.

"ال بىزدە شىعىستا ۇلىستىڭ ۇلى كۇنى – ناۋرىز مەيرامى تويلانادى. ءاز-ناۋرىزدى سان-سالتاناتىمەن، جوعارى دەڭگەيدە اتاپ وتكەن دۇرىس، سەبەبى عارىشتىق ولشەم بويىنشا بۇل مەيرام 31 جەلتوقساننان 1 قاڭتارعا قاراعان ءتۇنى ءبىز تويلايتىن رەسمي جاڭا جىلدان الدەقايدا ماڭىزدىراق"،- دەيدى ابدرايموۆا.

"الاياقتاردىڭ ارباۋىنا ءتۇسىپ قالۋ وڭاي"

ناۋرىزدىڭ ءۇشىنشى ونكۇندىگىندە ادامداردىڭ كوڭىل-كۇيى قۇبىلىپ، قىڭىرلىق تانىتادى، ۇمىتشاق بولىپ، ويىن جيناقتاۋ قيىنعا تۇسەدى.

"بۇل كەزەڭ اجەپتاۋىر ۇزاققا سوزىلادى. ونىڭ ىقپالىن ءساۋىردىڭ باسىنا دەيىن سەزىنەمىز. بۇل كۇندەرى الاياقتاردىڭ ارباۋىنا وڭاي ءتۇسىپ قالۋىڭىز ىقتيمال. وپاسىزدىق، ارامدىق پەن وتىرىك دوستارىڭىزبەن، جاقىندارىڭىزبەن، كورشىلەرىڭىزبەن اراداعى قارىم-قاتىناسىڭىزعا سىزات ءتۇسىرۋى مۇمكىن"، - دەپ ەسكەرتتى استرولوگ.

جاڭا ادامدارمەن تانىسقان كەزدە، ساق بولىڭىز، اسىرەسە ماحاببات ماسەلەسىنە كەلگەندە. جۇرەگىڭىزگە جول تاپقان ادام شىنايى بەت-بەينەسىن كورسەتپەي جۇرگەن بولۋى مۇمكىن.

"شەتەلدىكتەرمەن ارالاسۋعا، شەتەلگە، اسىرەسە، تەڭىزگە شىعۋعا جايسىز ۋاقىت. بۇل كۇندەرى الاڭعاسارلىقتان كولىك اپاتى جيىلەپ كەتۋى ىقتيمال"، -دەيدى مامان.

سۋ، ءدارى، ەسىرتكى جانە ىشىمدىكتى قولدانۋمەن بايلانىستى جازاتايىم وقيعالار بولۋى ابدەن مۇمكىن. وز-وزىڭىزگە مەديسينالىق دياگنوز قويۋعا اسىقپاڭىز.

"قوعامدا جانجال، كەلىسپەۋشىلىك بايقالۋى مۇمكىن. ساياسي ارەنادا وتىرىك سويلەۋ، ەكىجۇزدىلىككە كۋا بولۋىمىز ىقيمال، وسى ۋاقىتتا بەرگەن ۋادەلەر ورىندالمايدى، كەلىسىمدەر بۇزىلادى"، - دەدى ابدرايموۆا.

ءبىراق، ونىڭ ايتۋىنشا، بۇل كەزەڭنىڭ ءبىر جاقسى جاعى بار. شىعارماشىلىق، مەديتاسيا، ءوزىڭنىڭ رۋحاني دەڭگەيىندى كوتەرۋگە تاپتىرماس ۋاقىت.

ۇسىنعان: نازەركە لابيحان