بۇكىل الەمدىك بانك زەرتتەۋشىلەرى الەمنىڭ 187 مەملەكەتىندەگى گەندەرلىك تەڭدىك ماسەلەسىن زەرتتەپ كورىپتى. ول مەملەكەتتەر اراسىندا قازاقستان دا بار.

ناتيجەسىندە، بارلىق كريتەرييلەر بويىنشا 100 بالدىق كورسەتكىشتە ءتىزىمدى باستاعان 6 مەملەكەت مىنالار: بەلگيا، دانيا، لاتۆيا، ليۋكسەمبۋرگ، فرانسيا جانە شۆەسيا. ال ەڭ تومەنگى كورسەتكىشتى اۋعانستان، قاتار، كۋۆەيت، بىرىككەن اراب امىرلىكتەرى، ساۋدا ارابياسى، سۋدان، يران كورسەتتى.

ال قازاقستان 75،6 بالدىق كورسەتكىشپەن ورتاڭعى شەپتەن كورىندى. ءبىر قىزىعى، ەلىمىز رەسەي مەن وزبەكستاندى باسىپ وزىپتى. ال تاجىكستان، قىرعىزستان جانە ۋكراينادان تومەنگى ورىندا تۇر.

زەرتتەۋ بارىسىندا زاڭناماداعى جانە رەفورمالارداعى ءتيىستى وزگەرىستەردى ەسەپكە الا وتىرىپ، ەڭبەك، مۇلىك، وتباسىلىق قۇقىق سالاسىنداعى كورسەتكىشتەر ەسكەرىلدى. ساراپشىلار ايەلدەردىڭ مۇمكىندىكتەرى مەن ەكونوميكالىق اۋقىمدىلىق ماسەلەلەرىنە بايلانىستى 35-كە جۋىق كريتەرييمەن ەسەپتەدى.

ۇسىنعان: گۇلىم جاقان