قوردايلىق تانىمال مەسەنات 2017 جىلى ول بەس وتباسىنىڭ باسپانالى بولۋىنا كومەكتەسكەن، بۇل جولى تاعى ءۇش مۇقتاج وتباسىعا پاتەر سىيلادى، دەپ حابارلايدى Qamshy.kz اقپارات اگەنتتىگى جەرگىلىكتى taraztv.kz تەلەارناسىنىڭ دەرەگىن نەگىزگە الىپ. مەسەنات قايىرىمدىلىقپەن اينالىسىپ قانا قويماي، كوپتەگەن تۇرعىندى جۇمىسپەن قامتىعان.

جامبىل وبلىسىندا قورداي اۋدانىنىڭ قۇرمەتتى ازاماتى سارسەبەك سالىبايەۆ "تۋعان ەلگە تاعزىم" اكسياسى اياسىندا تۇرمىسى تومەن ءۇش وتباسىعا پاتەر الىپ بەردى. 

گۇلميرا دوباي داياشى بولىپ جۇمىس ىستەيدى، ەكى بالانى جالعىز ءوزى تاربيەلەپ وتىر. كەلىنشەك ءوز ءۇيىم بولسا دەپ ارماندايتىن. ول ارمانى "العىس ايتۋ" كۇنىندە ورىندالدى.

جالعىزباستى انا رايانا بەكتۇروۆا مەن اۋەلبەك بالبەك تە باسپانالى بولدى.

تەلەارنانىڭ مالىمەتىنشە، كاسىپكەر قايىرىمدىلىقپەن اينالىسىپ قانا قويماي، اۋداننىڭ كوپتەگەن تۇرعىنىن جۇمىسپەن قامتىپ وتىر. 

ۇسىنعان: اسەل بولات قىزى