جاڭا ءبىلىم ءمينيسترى كۇلاش شامشيدينوۆا ءۇش تىلدىلىككە قاتىستى ءوز ويىمەن ءبولىستى دەپ جازادى Qamshy.kz اقپارات اگەنتتىگى. ونىڭ ايتۋى بويىنشا بالالار ەڭ الدىمەن ءوز انا ءتىلىن، قازاق ءتىلىن ءبىلۋى كەرەك. 

"ەڭ ءبىرىنشى، بالالار ءوز انا ءتىلىن، قازاق ءتىلىن ءبىلۋى كەرەك. سەبەبى، قازاق ءتىلىن ءبىز قازاقستاندا عانا دامىتا الامىز. ەكىنشىدەن، جالپى ينتەگراسيالانۋ ءۇشىن، باسقا كورشى مەملەكەتتەرمەن جۇمىس ىستەۋ ءۇشىن بىزگە ورىس ءتىلى مەن اعىلشىن قاجەت. مىنە، وسى جاعدايعا بايلانىستى ءقازىر مەكتەپتەردە پاندەر قازاق، ورىس جانە اعىلشىن تىلىندە وقىتىلۋدا"، - دەيدى جاڭا مينيستر. 

سونداي-اق كۇلاش شامشيدينوۆا پاندەردى اعىلشىن تىلىندە وقىتۋعا قاتىستى دا پىكىر ءبىلدىردى. 

"ارينە، ەلدىڭ ءبارىن كوپ تولعاندىرىپ، كوپ شۋلاتقان ماسەلە – ول پاندەردى اعىلشىن تىلىندە وقىتۋ. ءقازىر مينيسترلىك كادرلاردىڭ دايىندىعىنا قاراي ءپاندردى اعىلشىن تىلىندە وقىتۋعا بىرتىندەپ كوشۋدى قاراستىرۋدا. ال 2016 جىلى جوو اعىلشىن تىلىندە ساباق بەرەتىن مۇعالىمدەر دايارلاۋ جونىندەگى مەملەكەتتىك تاپسىرىس بەرىلگەن بولاتىن. اتالمىش تاپسىرىسپەن بولاشاق مۇعالىمدەر كەلەسى جىلدان باستاپ ۋنيۆەرسيتتەردىڭ قابىرعالارىنان شىعا باستايدى.سوندىقتان دا بالالاردى اعىلشىن تىلىندە وقىتۋ ماسەلەسى كەزەڭ-كەزەڭمەن، كادرلاردىڭ جانە مەكتەپتەردىڭ دايىندىعىنا بايلانىستى مەكتەپتەردىڭ قالاۋىمەن بىرتىندەپ ەنگىزىلەدى. ءبىز ءقازىر 15 مەكتەپ نەمەسە 20 مەكتەپ ەنگىزسىن دەگەن تالاپ قويىپ وتىرعان جوقپىز"، - دەدى شامشيدينوۆا.

ۇسىنعان: اسەل بولات قىزى