2018 جىلدىڭ ماۋسىمىندا الماتى تۇرعىندارىنىڭ نازارىن تۇگەلدەي وزىنە اۋدارعان ءارى سىنىنا قالعان "عاجاپ" تۋىندى – الىپ ءتيىن جايلى بۇگىن تاعى ايتىلدى. 

اتىشۋلى ءتيىندى ەندى ناۋرىز مەيرامىنا قارسى ساندەمەك. باسىنا تاقيا كيگىزىپ، قولىنا الىپ جاڭعاقتىڭ ورنىنا قىزعالداق گۇلىن ۇستاتىپ قويماق. «ءدال وسىنداي كۇيدە الگى ءتيىن ءبىر اي بويى قالاعا كورىك سىيلاپ تۇرادى» دەيدى ءمۇسىندى قۇراستىرۋشىلار. ال ءتيىندى ساندەۋ ءۇشىن Funk اگەنتتىگىنە 170 مىڭ تەڭگە قاراجات شىعارۋ كەرەك.

♦تۇيمەدەيدى تۇيەدەي ەتەتىن تيىننەن الماتىلىقتاردىڭ ايىرماشىلىعى جوق دەدى بايبەك

«قىزعالداق كوزگە كورىنەرلىكتەي اشىق تۇستەن بولادى. وسىلايشا ءتيىن ءداستۇر مەن جاڭا عاسىردى ۇشتاستىرىپ تۇراادى ءارى مەرەكەنىڭ سيمۆولىنا اينالماق، ودان كوكتەمنىڭ شۋاقتى كۇندەرىنىڭ لەبى سەزىلىپ تۇرسا دەيمىز»، - دەلىنگەن Funk اگەنتتىگىنەن حابارلاماسىندا.

22 ناۋرىز كۇنى ارت-نىساننىڭ اينالاسىندا NowRyz party اتتى فەسيۆال وتكىزۋ جوسپارلانىپ وتىر.

♦الماتىداعى الىپ ءتيىندى جاساۋ ءۇشىن  23 ملن تەڭگە كەتكەن

ال ءتيىننىڭ اينالاسىنا قازاق ۇيلەر تىگىلىپ، تەگىن باۋىرساقتار تاراتىلادى.

ەستەرىڭىزگە سالا كەتەيىك، الماتىلىقتاردىڭ سىنىنا اينالعان الىپ ءتيىننىڭ ءمۇسىنى «اتاكەنت» كورمەسىنىڭ الدىندا شىلدەنىڭ باسىندا پايدا بولعان ەدى. انىقتالعانداي ءتيىندى جاساۋ ءۇشىن مەملەكەتتىك جانە جوبانى ۇيىمداستىرۋشى كومپانيانىڭ بيۋدجەتىنەن جالپى 23 ميلليون قاراجات كەتكەن. ال جوبا اۆتورى – سۋرەتشى الەكس رينسلەر.

ۇسىنعان: گۇلىم جاقان