ادام ءبارiن كەرىسiنشە iستەيدi. ۇلكەن بولعىسى كەلەدi، سوسىن بالالىق شاعى تۋرالى ويلاپ كۇرسiنەدi. اقشا ءۇشiن دەنساۋلىعىن قۇرتىپ، دەنساۋلىعىن دۇرىستاۋ ءۇشiن اقشاسىن قۇرتادى. بولاشاعى تۋرالى اسىعا ويلاپ، قازiرگi ءومiرiن كەرەك قىلمايدى، ءسويتiپ نە قازiرگi، نە بولاشاق ءومiرi جوق كۇي كەشەدى. ەشقاشان ولمەيتiندەي ءومiر ءسۇرiپ، ەشقاشان ءومiر سۇرمەگەندەي ءوتىپ كەتەدى.
(پاۋلو كوەلو)
ەسىڭدە بولسىن:
اۋىرلىقسىز جەڭىلدەۋ بولمايدى، جوعالتۋسىز تابۋ بولمايدى، سابىرسىز جەڭىس بولمايدى.
***
ءومىر ءسۇرۋدىڭ ەكى زاڭىن بىلگەن ادام باقىتتى بولار:
ءبىرى - نە بولسا سونى جەي بەرمەي، ازىعىنا تالعاممەن قارايتىن جان؛
ءبىرى - كىم بولسا، سونىمەن دوس بولماي، اينالىسىنداعى دوستارىن جونىمەن تاڭداي بىلەتىن ادام.
(ومار حاييام)
***
جاقسى ادام بارلىعىن وزىنەن ىزدەيدى، اقىماق ادام ولاردى باسقادان ىزدەيدى.
(كونفۋسيي)
***
كوزدىڭ جاسىن سۇرتكەنشە، ءسىزدى جىلاتقان ادامدى ومىرىڭىزدەن ءسۇرتىڭىز.
***
ەشقاشان ساعان سەنەتىن ادامدى الداما. Cەنى الداعان ادامعا ەشقاشان سەنبە.
(بەرنارد شوۋ)
***
سۇيەگى جوق بالىق بولمايتىنى سياقتى، كەمشىلىگى جوق ادام دا بولمايدى.
***
ءسىزدى جاقتىرمايتىن ادامدارعا نازار اۋدارماۋعا تىرىسىڭىز.
سەبەبى ءسىزدى جاقتىرمايتىنداردىڭ ەكى ءتۇرى بولادى: اقىماقتار جانە قىزعانشاقتار.
***
اقىماقتار بىرنەشە جىلدان سوڭ ءسىزدى جاقسى كورىپ كەتەدى، ال قىزعانشاقتار ءسىزدىڭ ارتىقشىلىعىڭىز قانداي ەكەنىن بىلە الماي ىشتەن ولەدى.
***
ادام اقىلدى بولعان سايىن قاراپايىم كەلەدى.
(سيسەرون)
***
ادامعا باقىتتى بولۋ ءۇشىن كوپ نارسە كەرەك ەمەس.
قامقور ومىرلىك جولداس، جايلى ءۇي جانە سۇيىكتى بالالارى بولسا جەتكىلىكتى.
ءبىراق كوپ ادام وسىنى كەش تۇسىنەدى...
***
ساعان سەنگەن ادامداردان تەرىس اينالما.
***
اقىلدى ادام وزگەلەردىڭ كەمشىلىكتەرىن كورىپ ءوز كەمشىلىكتەرىنەن ارىلادى.
(سير پۋبليليي)
***
اداسىپ بارىپ،
تالاسىپ تالىپ،
ءسۇرىنىپ سوسىن ەس كىردى،
ادامنىڭ ناعىز باقىتتى شاعى،
سۇيمەگەن كەزى ەشكىمدى...
(مۇقاعالي ماقاتايەۆ)
***
قىران قۇستى قىران ەتىپ، اسپانعا سامعىتقان ەكى قاناتى، ال ادامدى ادام ەتىپ، قىرانداي سامعaتاتىن، ارمانى مەن ماقساتى.
***
ادام بويىنداعى ەڭ تاماشا نارسە - ءبىلىم مەن اقىل.
(ءجۇسىپ بالاساعۇني)
***
نەگىزى ەڭ كۇشتى ادامدار - سابىرلى، سالماقتى ادامدار.
***
ءسىز تۋرالى جامان ويلايتىندار - سىزدەن ءالسىز ادامدار. مىقتى ادامدار ءسىز جايلى ويلاۋعا ۋاقىتتارى جوق.
(شارل تالەيران)
***
جۇرەگى سۇلۋ ادام عانا، وزگەلەردىڭ بويىنان سۇلۋلىقتى بايقايدى.
***
ادام كەۋدەسىنەن جانى شىققانشا سەنۋدى توقتاتپاۋ كەرەك.
***
ەسىڭىزدەن شىعارماڭىز: ءار ادامنىڭ ءوز شىندىعى بار. ول سىزدىكىمەن سايكەس كەلمەۋى مۇمكىن.
***
ادامنىڭ ءبارى جۇلدىز، ءبىراق جارقىراپ جانۋ ءبارىنىڭ قولىنان كەلمەيدى.
(مەريلين مونرو)
***
ادام جاقسىنى ارمان ەتسە، ومىردە ءبارى دە جاقسى بولماق.
(م. گوركيي)
***
مەن ادامداردىڭ اشتىعىنان قورىقپايمىن،
مەن ادامداردىڭ توقتىعىنان قورقامىن.
(ليەۆ تولستوي)
***
ادام ءۇشىن ءۇمىت – جانارماي سەكىلدى. ءۇمىتسىز ول ءومىر سۇرە المايدى.
***
ادامنىڭ ەڭ ءالسىز تۇسى - ءبىر ونىڭ سەزىمى.
***
ادام ءوزىنىڭ كىم ەكەندىگىن جالعىز قالعاندا عانا ايقىن سەزە الادى.
***
ءار ادام — ءبىر-بىر جۇمباق.
(شەرحان مۇرتازا)
***
ءوز ءومىرىنىڭ قىزىعى جوق ادامدار، ادەتتە باسقانىڭ ومىرىنە جاعالاسادى.
***
ادامدى باعالا - ايتپەسە ەستەلىكتەردى باعالايتىن بولاسىڭ.
***
تۇككە تۇرعىسىز نارسەلەردى جۇرەككە قابىلداي بەرەتىن ادام - ماحابباتقا ادال كەلەدى.
(ليەۆ تولستوي)
***
بارلىق ادام قاتەلەسەدى، ءبىراق قاتەلەسۋشىلەردىڭ اراسىنداعى ەڭ جاقسىسى ءوز قاتەلىگىن مويىنداپ تاۋبەگە كەلگەنى.
(مۇحاممەد (س.ا.س.))
***
ادامدار ءبىزدىڭ جاقسىلىعىمىزدى ۇمىتادى، ءبىراق ىستەگەن قاتەلىكتەرىمىزدى ەسىڭدە ماڭگى ساقتايدى.
***
ادامنىڭ ساناسى قانشالىقتى تومەن بولسا، ول مۇرنىن سونشالىقتى اسپانعا شۇيىرەدى.
(ومار حاييام)
***
ادامدارعا سەنiڭ قۇرعاق ءسوزiڭ ەمەس، جاساعان iس-ارەكەتiڭ ماڭىزدى.
***
اۋزى جابىلمايتىن ادامنىڭ ىشىندە تۇك تە جوق.
(ونورە دە بالزاك)
***
باقىتتى ادام - وتكەنگە وكىنبەيتىن، بولاشاعىنان قورىقپايتىن جانە بىرەۋدىڭ ومىرىنە ارالاسپايتىن ادام.
***
بارلىق ادامنىڭ تاعدىرى ءبىر جەردە تۇيىسەدى: قۇل دا ولەدى، قوجايىن دا ولەدى.
(ءجۇسىپ بالاساعۇني)
***
جۇرەگى تازا ادام قياناتقا بارمايدى.
(شاكارىم قۇدايبەردى ۇلى)
جيناستىرىپ، ۇسىنعان: پروفەسسور، يسxان قايرات جالەل ۇلى.
پىكىر قالدىرۋ