كەيدە ادامداردىڭ شەكتەن تىس قىزىعۋشىلىعى فاناتيزمگە ۇلاسىپ كەتەدى. بىرەۋلەر مۇنى اۋرۋ دەيدى. ال فءاناتيزمنىڭ زيانى بار ما؟  Qamshy.kz اقپارات اگەنتتىگى جازادى. 

فاناتيزم اعىلشىن تىلىنەن اۋدارعاندا "قۇرباندىق" دەگەندى بىلدىرەدى. فاناتيزمگە شالدىققان ادام بەلگىلى ءبىر تۇلعاعا نەمەسە ۇعىمعا سەنەدى جانە سوعان ءسوزسىز قالتقىسىز بەرىلەدى، باسقا ەشقانداي بالامانى قابىلدامايدى. فاناتيزم سول جولدا قۇربان بولۋعا دايىندىقپەن استاسادى. 

بۇل جايت اسىرەسە جاستار مەن جاسوسپىرىمدەردىڭ اراسىندا وتە كوپ. بالالارىنىڭ بولمەسىنە كىرە قالسا، بولمە قابىرعالارىنا جاپسىرىلعان جۇلدىزداردىڭ سۋرەتىن كورەدى، ءبىراق اتا-انالار بۇعان ءمان بەرمەيدى. بالانىڭ وتپەلى كەزەڭىنە بالايدى. الايدا، بۇل جاعداي وتپەلى كەزەڭنىڭ قىزىعۋشىلىعى عانا ەمەس، ءوز كەزەگىندە جاسوسپىرىمدەرگە زيانىن شەكتىرۋدە. اسىرەسە جاس قىزدار سول سۋرەتتەگى جۇلدىزداردىڭ اشىق-شاشىق كيىمىنە، باتتاستىرىپ جاعىلعان بوياۋىنا بىردەن ەلىكتەيدى. سولار سياقتى "سۇلۋلىققا" قول جەتكىزگىسى، ءتىپتى بەت-الپەتىن سولارعا ۇقساتقىسى كەلەدى. وسى سەبەپتەن دە پلاستيكالىق وتا جاساتىپ جاتقاندار دا از ەمەس. الدەكىمگە ەلىكتەپ، ولاردى نە ءۇشىن جاقسى كورەتىنىن جاستاردىڭ وزدەرى دە تۇسىنبەيدى.

فاناتيزم وتە ءقاۋىپتى. سوندىقتان، شىنايى ومىردە سويلەسەتىن جاقىندارعا، تۋىستارعا، دوستارعا كوپ نازار اۋدارعان دۇرىس. ءفاناتيزمنىڭ ەمى - ادامنىڭ تۇلعاعا قۇرمەتپەن قاراۋىنداعى اقىل مەن ءبىلىم مادەنيەتى. سونىمەن قاتار، جۇلدىزدارعا ەمەس، اللا ەلشىسىنە كوبىرەك ەلىكتەسەك، الدەقايتا باقىتتى بولار ەدىك.