رەسەيدىڭ تەرگەۋ كوميتەتى ماسكەۋدەگى پاتەرلەردىڭ بىرىنەن تابىلعان ماۋگلي قىزدىڭ ۆيدەوسىن جاريالادى، دەپ جازادى Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ.

ۆيدەودا قىز تۇرىپ جاتقان پاتەردىڭ ءىشى قوقىسقا تولى ەكەندىگى كورىنەوى، سونداي-اق جيھازداردىڭ ءبارى سىنىپ قالعان. بالكوننىڭ ەسىگى قوقىستىڭ سالدارىنان اشىلماي قالعان، ال ءۇيدىڭ تەرەزەلەرى ۇزاق ۋاقىت بويى جۋىلماعانى كورىنىپ تۇر.

بىرنەشە كۇن بۇرىن جەرگىلىكتى باق-تا كورشىلەردىڭ شاعىمىنان كەيىن تەرگەۋشىلەر پاتەردى تەكسەرۋگە كەلگەندىگى ايتىلعان بولاتىن. كورشىلەر كۇندەلىكتى ەستىلەتىنبالانىڭ ايقايى مەن جىلاعان داۋىسىنا شاعىمدانعان. پاتەردەن تابىلعان قىزدى قۇقىق قورعاۋ ورگاندارىنىڭ وكىلدەرى اۋرۋحاناعا جەتكىزدى.

تەرگەۋشىلەردىڭ مالىمەتىنشە، پاتەردەگى قىز انورەكسياعا شالدىققان. سونداي-اق، قىزدىڭ اقىل -ويى دامىماي قالعان، جەرگىلىكتى ب ا ق ونى «ماۋگلي» دەپ اتاپ كەتتى.

قوقىسقا تولى پاتەردەن تابىلعان قىزدىڭ اناسى قولعا ءتۇستى، ءقازىر ونى تەرگەۋگە الۋدا. اناسىنىڭ ۇستىنەن «ادام ولتىرمەك بولدى» دەگەن ايىپپەن قىلمىستىق ءىس قوزعالدى.

ۇسىنعان: نازەركە لابيحان