ەرلى-زايىپتى افريكاعا دەمالۋعا بارعانى بەلگىلى بولدى، دەپ جازادى Qamshy.kz اقپارات اگەنتتىگى sputniknews.kz سايتىنىڭ دەرەگىنە سۇيەنىپ.
ەفيوپياداعى ۇشاق اپاتى كەزىندە قازا تاپقان رەسەيلىك ەكاتەرينا جانە الەكساندر پولياكوۆتار ولەر الدىندا Instagram-داعى پاراقشاسىندا ۆيدەو جاريالاپ، ساياحاتتان العان اسەرى جايلى جازبا قالدىرعان.
"ءبىر جىل بۇرىن ازياعا بارىپ ەدىك، ەندى افريكاعا ۇشىپ بارامىز. ال بۇرىن ماسكەۋگە ساپارلاۋدىڭ ءوزى ەرلىك بولاتىن. بۇل شەڭبەر مەن شەكارانى وزىمىزگە ءوزىمىز سىزاتىنىمىزدى تاعى ءبىر مارتە دالەلدەپ وتىر"، - دەپ جازعان ەكاتەرينا.
ەسكە سالا كەتسەك، 10 ناۋرىزدا ادديس-ابەبادان كەنياعا ۇشىپ بارا جاتقان Boeing 737 ۇشاعى ەفيوپيانىڭ دەبرە-زەيت قالاسىنا جاقىن ماڭدا اپاتقا ۇشىرادى. بورتتاعى 157 ادامنىڭ بارلىعى قازا تاپتى، ولاردىڭ اراسىندا ءۇش رەسەيلىك بولعان. ەكاتەرينا جانە الەكساندر پولياكوۆتاردان باسقا پاراشيۋت نۇسقاۋشىسى سەرگەي ۆياليكوۆ كوز جۇمدى.
پوسموترەت ەتۋ پۋبليكاسيۋ ۆ Instagram
ۇسىنعان: نازەركە لابيحان
