الەۋمەتتىك جەلى قولدانۋشىسى اسحات احمەدياروۆ ءوزىنىڭ Facebook جەلىسىندەگى پاراقشاسىندا سيرياداعى تۇرعىندار تۇسىرىلگەن ۆيدەونى جاريالادى. ونىڭ ايتۋىنشا، ول جەردەگى ادامداردىڭ اراسىندا قازاقستاننىڭ ازاماتتارى دا بار ەكەن، دەپ جازادى Qamshy.kz اقپارات اگەنتتىگى.

"كەشە تۇندەگى France 24 arabic تەلەارناسىنىڭ ەفيرىنەن بولعان ارنايى رەپورتاج. اراسىنان "يا يز كازاحستانا!" دەگەن ءسوزدى قۇلاعىم شالىپ قالدى. كەزەكتى تاعى ءبىر قاراكوزىمىز، بومبىلاۋدان قاشىپ بۋفەرلىك ايماققا كەلىپ جاتىر ەكەن. بۇگىندەرى "سيريانىڭ دەموكراتيالىق كۇشتەرى" اسكەرلەرى دايش-تىڭ سوڭعى باعۋز تاۋى مەن ەفرات وزەندەرىنىڭ ماڭىنداعى ۇياشىقتارىنا سوققىلار جاساۋدا. ناتەجيەسىندە مىڭداعان سودىرلاردىڭ ايەلدەرى مەن بالالارى ازات ەتىلىپ جاتىرعان ايماقتاردان بۋفەرلىك ورىندارعا ورنالاسۋدا. كوبىسى، تۇركياعا بارىپ سول ەلدە قونىستانامىز دەسە، (ولاردى قابىلدايىن دەپ جاتقان تۇركيا بار بولسا) ال ەۋروپانىڭ كەي مەملەكەتتەرى بۇل ازاماتتاردى ءوز ەلدەرىنە قايتا قابىلداۋعا مۇلدە قارسىلىق تانىتىپ جاتىر. جانە ءوز كەزەگىندە ادام قۇقىعىن قورعايتىن ينستيتۋتتار مەن قاۋىپسىزدىك سالاسىنىڭ ماماندارى اراسىندا ۇلكەن ديسپۋتقا اينالۋدا. نەگىزى تاعى ءبىر "جۋساننىڭ" ءيىسى شىعىپ كەلەدى. جالپى ءبىزدىڭ تاجىربيەمىزگە كەلەر بولساق، ەلگە 47 ازاماتتىڭ قايتارىلعانىن بىلەمىز، الايدا ولارمەن ءجۇرىپ جاتىرعان جۇمىستاردان ەش حابارىمىز جوق؟! قانداي جەردە ءومىر ءسۇرىپ جاتىر، ەندىگى ومىرلەرى نە بولادى؟! راديكالدى رايلارىنان قايتتى ما، ادامي فاكتورلار قالايشا ەسەپكە الىنۋدا؟! بەيىمدەلۋ ورتالىعىندا عانا ەكەنىن بىلەمىز، اراسىندا سۇحباتتار بەرىپ تۇرادى بولدى. قايدان، قالاي ەكەنى بەلگىسىز؟!" - دەپ جازادى اسحات احمەدياروۆ.

ۇسىنعان: نازەركە لابيحان