«بىزگە اسقار مامين مەن باقىت سۇلتانوۆ كەلسىن!  اۋدان اكىمىنەن قايران جوق». 9 ناۋرىزدا توبەسى قۇلاعان استاناداعى جاتاقحانا تۇرعىندارى وسىلاي دەپ ىزالانىپ وتىر. بىرنەشە جىلدان بەرى جەرگىلىكتى بيلىكتى جاعالاپ، تالاي تابالدىرىقتى توزدىرعان ەلوردالىقتار ەندى شىدامىمىز تاۋسىلدى دەيدى. قانشا حات جازىپ، ماسەلەلەرىن ايتقانىمەن وسى كۇنگە ناقتى شەشىم جوق. ال جۋىردا بولعان وقيعادان سوڭ  تۇرعىندار توزىعى جەتكەن عيماراتقا كىرىپ-شىعۋعا قورقادى. بۇل تۋرالى Qamshy.kz اقپارات اگەنتتىگى ەۋرازيا ءبىرىنشى ارناسىنا سىلتەمە جاساپ حابارلايدى.
 
وقىس وقيعا 9 ناۋرىزدا، كۇندىز ساعات 12-دەن اسا بولعان. جاتاقحانانىڭ ءتورتىنشى قاباتىنىڭ تۇسى وپىرىلىپ،  دۇكەننىڭ توبەسىنە تۇسكەن. ابىروي بولعاندا سول ساتتە بۇل جەردە ەشكىم جۇرمەگەن. ايتپەسە، كىرپىشتىڭ استىندا قالار ما ەدى.

"دالاعا شىقسام كۋسوك قۇلاعان. ونىڭ ءوزى بومبا سياقتى. قايتا بالالار جۇرگەن جوق سول كەزدە. دۇكەن جابىق تۇر مىنا، ەگەر اشىق بولسا تالاي ادام كەتەتىن ەدى. حالىقتى قالاي ويلامايدى، مەن تۇسىنبەيمىن. ءبىزدى قويشى، جاس بالالارعا وبال ەمەس پە، ءبارىمىز كىرپىشتىڭ استىندا قالساق. كەلسىن ۇكىمەتتەگى ءمامينى بار، اكىمى بار، كورسىن. تۋالەت اناۋ، اسپان، دالا كورىنىپ تۇر.
 
قابىرعاسى وپىرىلعالى ەكى كۇن ءوتتى. سول كۇنى بيلىك وكىلدەرى، توتەنشە جاعداي قىزمەتىنىڭ ماماندارى ءبىر كەلىپ كەتكەن. ودان كەيىن جىم-جىرت. توزىعى جەتكەن نىساننىڭ ىشىندە كورەتىن جەرى جوق. 4 قاباتتى عيماراتقا، ياعني جۇزدەن  استام پاتەرگە ءبىر دارەتحانا. ول ءبىرىنشى قاباتتا.  ونىڭ دا سيقى مىناۋ. تۇندە بارۋ ءتىپتى قورقىنىشتى. سەبەبى، بومجدار كىرىپ كەتەدى ەكەن، - دەپ ايتتى جاتاقحانا تۇرعىدى نۇرسۇلۋ ماحاتوۆا.

«تۋالەتىن كورىپ تۇرسىزدار، وسىندا تاڭەرتەڭ كەزەكتە تۇرامىز. وتىرۋعا قورعامىز. توبەمىزدەن تامشى اعادى. ءيىسىن قورامەن سالىستىرۋعا كەلمەيدى»، - دەپ نالىدى جاتاقحانا تۇرعىنى ازامات دۇيسەكەيەۆ.

قۇجات بويىنشا عيمارات 1972 جىلى  سالىنعان دەپ كورسەتىلگەن. ءبىراق ودان دا بۇرىن بويكوتەرگەن دەيدى بايىرعى تۇرعىندار. اۆتوبۋس پاركىنىڭ يەلەگىندە بولعان. كەيىن جەكەگە بەرىلگەن. قازىرگى تۇرعىنداردىڭ 80 پايىزعا جۋىعى كۆارتيرانتتار. جاعدايى جوق ءۇي يەلەرى عانا قالعان. توبەدەن سۋ سورعالاپ، جوعارعى قاباتتارعا جايىلعان. قابىرعالار سىز تارتىپ، ەلەكتر سىمدارى توق تارتادى ەكەن. 

«تۇنىمەن ۇيقى جوق. كۇندىز كۇلكى جوق. شۇبەرەكپەن سىعىپ الامىز. اعادى دا تۇرادى. جىلدا جوندەۋ جاسايمىز. تاراقاندار ءجۇر»، - دەيدى جاتاقحانا تۇرعىنى گاۋھار احمەتوۆا.

كەنەسارى 57/1 مەكەن-جايىنداعى جاتاقحانا جاڭادان قۇرىلعان بايقوڭىر اۋدانىنا قارايدى. اۋداننىڭ دا، قالانىڭ دا اكىمدەرى ءبىر كەلىپ كورمەسە دە، ماسەلەمىزدى بىلەدى دەيدى. ويتكەنى، تۇرعىندار تالاي رەت حات جازعان، تالاي بارعان. 2012 جىلدان بەرى ءسۇرىلۋى ءتيىس نىسان ءالى كۇنگە جىر بولىپ كەلەدى. جاڭا ۇكىمەتتىڭ جاساقتالعانىنان حاباردار جاتاقحانا حالقى بۇگىن قالا اكىمدىگىنە دە زور ۇمىتپەن بارعان. ءبىراق، باقىت سۇلتانوۆپەن كەزدەسۋ باقىتى بۇيىرماي، سالى سۋعا كەتتى.  استانا اكىمى ورىنباسارىنىڭ كەڭەسشىسىمىن دەگەن مىنا جىگىت ماردىمدى ەشتەڭە ايتا المادى تۇرعىندارعا. 

-كوردىك ءبىز ءبارىن.

-كورسەڭدەر، جازاتايىم وقيعانى كۇتىپ وتىرسىزدار ما؟

- بىلەدى ول كىسى. ول ءبىر كۇندە شەشىلمەيدى عوي.

ء-بىز  ءتىپتى اۋدان اكىمىنىڭ فاميلياسىن بىلمەيمىز. ول بىردە ءبىر كەلىپ كورگەن ەمەس. قاشان بولادى جاۋاپ؟ ءبىر اي، ءبىر جىلعا سوزىلا ما؟  

ۋاقىتىن ايتا المايمىن. 
 
- استانانىڭ اكىمدىگىنە كەلىپ وتىرمىز. ەشقانداي جاۋاپ جوق. سوندا كىمنەن كۇتەمىز. 

ءىشى سىز تارتىپ،  سۋ سورعالاپ، سىرتى وپىرىلىپ جاتقان جاتاقحاناعا كىرۋگە، تۇرۋعا قورقىپ وتىرمىز دەيدى حالىق. تەز ارادا جەرگىلىكتى بيلىك ءبىر شەشىم قابىلداماسا  ۇكىمەت ءۇيى مەن پارلامەنتكە، سول جاعالاۋعا  بارىپ بازىنامىزدى ايتامىز، - دەپ اشىنىپ وتىر. 

استانانىڭ قاق ورتاسى، وڭ جاعالاۋ. ەلوردانىڭ ورتاسىندا وسىنداي عيمارات بار دەگەنگە ەشكىم سەنبەيتىن شىعار. شىدامى تاۋسىلعان تۇرعىندار وسى سەلينوگرادتا تۋىپ وسكەن اسقار ءماميننىڭ ءوزى كەلىپ كورمەسە، كومەكتەسپەسە قالا اكىمدىگىنەن قايران جوق دەپ اشىنىپ وتىر. 

«بىزگە اكىمدىكتىڭ وكىلدەرى كەرەك ەمەس. جاڭا ۇكىمەت، قالا اكىمى باقىت سۇلتانوۆ كەلسىن.سونداي-اق، مامين اسقار ۇزاقباي ۇلى. ول وسى جەردى بىلەدى. سوندىقتان  ءبىزدى ۇكىمەتتىڭ كەلۋىن تالاپ ەتەمىز».

ۇسىنعان: نازەركە لابيحان