12.03.2019 ج. الماتى قالاسى
الماتى قالاسى قوعامدىق دەنساۋلىق باسقارماسىنىڭ باسشىسى قانات توسەكبايەۆ قوعامدىق كەڭەس وتىرىسىندا «2019 جىلعا الماتى قالاسىنىڭ دەنساۋلىق ساقتاۋ جۇيەسىن دامىتۋ» جول كارتاسىنىڭ تۇساۋىن كەستى.
كەزدەسۋ شەڭبەرىندە قانات توسەكبايەۆ باسقارمادا دەنساۋلىق ساقتاۋ جۇيەسىن جەتىلدىرۋ جانە جاڭعىرتۋ بويىنشا ءبىرقاتار ءىس-شارالار جۇرگىزىلىپ جاتقانىن ايتتى. مەديسينالىق ۇيىمداردىڭ باسشىلارىن مەنەدجمەنت باعدارلاماسى بويىنشا، ساپالى باسقارۋشى قۇرام قالىپتاستىرا وتىرىپ دايارلاۋ باستالدى. بۇگىنگى تاڭدا باسشىلارعا ارنالعان 70 KPI ينديكاتورلارى بەكىتىلدى جانە ەڭبەك شارتىنا ەنگىزىلدى. مەديسينالىق مەكەمەلەردە گوسپيتالدىق سەرۆيس بويىنشا وقىتۋ جۇرگىزىلەدى، ونىڭ بارىسىندا الماتىلىق دارىگەرلەر ۇسىنىلاتىن مەديسينالىق كومەكتىڭ ساپاسىن بارىنشا ارتتىرىپ، مەديسينالىق قىزمەتتەر نارىعىندا باسەكەلەستىكتى قامتاماسىز ەتەدى.
بۇدان بولەك، باسقارما باسشىسىنىڭ ايتۋىنشا، انا مەن بالا قاۋىپسىزدىگى بويىنشا، مەديسينالىق-سانيتاريالىق العاشقى كومەك جۇمىسى بويىنشا، وڭالتۋ قىزمەتى جانە ت.ب. بويىنشا وقىتۋلار جۇرگىزىلەدى.
ايقىندىلىق پەن اشىقتىقتى قامتاماسىز ەتۋ ءۇشىن، سىبايلاس جەمقورلىقتىق كورىنىستەردى ەسكەرتۋ ماقساتىندا مەديسينالىق ۇيىمداردىڭ قارجى اعىمىنا باقىلاۋ جانە مونيتورينگ جۇرگىزىلەدى. تۇراقتى نەگىزدە سايتتا ۇيىمداردىڭ تابىستارى مەن شىعىستارى ورنالاستىرىلادى، ونلاين رەجيمدە بوس باسشى لاۋازىمدارىنا تاعايىنداۋ كەزىندەگى سۇحباتتاسۋلار كورسەتىلەدى، سونداي-اق، دارىلىك زاتتار مەن جابدىقتاردى ساتىپ الۋ شارالارىن ورنالاستىرۋ دا قاراستىرىلىپ وتىر.
دارىلىك زاتتاردى ەلەكتروندىق ساتىپ الۋعا ارنالعان پلاتفورما قۇرىلۋدا، جەرگىلىكتى بيۋدجەتتەن ساتىپ الىناتىن دارىلىك پرەپاراتتاردى بەرۋگە ارنالعان ءدارىحانا روبوتىن ورناتۋ جونىندەگى جوبا ىسكە اسىرىلۋدا. اقىسىز نەگىزدەگى مۇنداي جۇمىستار الماتى ونكولوگيا ورتالىعىندا، بالالار اۋرۋحانالارىندا، سونىمەن قاتار قالالىق ريەۆماتولوگيا ورتالىعىندا ورناتىلاتىن بولادى.
بۇگىنگى تاڭدا 1،6 ملن. اسا ەلەكتروندىق دەنساۋلىق پاسپورتتارى قۇرىلعان، سيفرلاندىرۋدى ەنگىزۋ وڭ ناتيجەلەرىن بەردى: ەمحاناعا بارۋ 2 ەسەگە دەيىن ازايدى، كەزەكتە تۇرۋ دا 2 ەسەگە دەيىن قىسقاردى. سونىمەن قاتار، ەلەكتروندىق پاسپورتتاردى ەنگىزۋمەن بارلىق جەكەمەنشىك مەديسينالىق ۇيىمدار قامتىلاتىن بولادى.
