ەڭبەك جانە حالىقتى الەۋمەتتىك قورعاۋ ۆيسە-مينيسترى سۆەتلانا جاقىپوۆا بۇرىنعى باسشىسىنىڭ جاڭا قىزمەتكە تاعايىندالۋىنا قاتىستى پىكىرىن ايتتى، دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساپ.
"مەنىڭ بۇرىنعى باسشىم الدىنا قويىلعان كەز كەلگەن مىندەتتى ورىنداي الادى. ول وتە بىلىكتى، كاسىبيلىگى جوعارى ادام. ونىڭ قولىنان ءبارى كەلگەنىن قالايمىن. مەنىڭشە، ەندى ەڭبەك مينيسترلىگىنە جاردەماقىنى ارتتىرۋ، تاعى باسقا ماسەلەلەردە ءوز پوزيسياسىن دالەلدەۋ جەڭىلىرەك بولادى"، - دەدى جاقىپوۆا ءماجىلىس كۋلۋارىندا.
ايتا كەتسەك، بۇرىنعى ەڭبەك جانە حالىقتى الەۋمەتتىك قورعاۋ ءمينيسترى مادينا ءابىلقاسىموۆا ۇكىمەت قاۋلىسىمەن ۇلتتىق ەكونوميكا ءمينيسترىنىڭ ءبىرىنشى ورىنباسارى بولىپ تاعايىندالدى. ول ەڭبەك مينيسترلىگىنىڭ تىزگىنىن ءبىر جىل ۇستادى. ءقازىر مينيسترلىكتى بۇرىن اقتوبە وبلىسىنىڭ اكىمى بولعان بەردىبەك ساپاربايەۆ باسقارادى.
ۇسىنعان: نازەركە لابيحان
