كوپتەن كۇتكەن كەزدەسۋ! اقتوبەدە تۋعان قىزىن بەيتانىس كۇتۋشىگە تاستاپ كەتكەن كەلىنشەك اقىرى 4 جىلدان سوڭ باۋىر ەتى بالاسىن ىزدەپ كەلدى. انا مەن بالانىڭ كەزدەسۋى قالاي ءوتتى؟ قامقورشىلىق ورگان تاعدىرى تالاسقا تۇسكەن قىزدى كىمگە بەرمەكشى؟ ال ءبۇلدىرشىننىڭ جۇرەگى نەنى قالايدى؟ بۇل تۋرالى Qamshy.kz اقپارات اگەنتتىگى حابارلايدى ەۋرازيا ءبىرىنشى ارناسىنىڭ دەرەگىن نەگىزگە الا وتىرىپ. 

بيىلعى ناۋرىز اسەمگۇل ءۇشىن ەرەكشە بولدى. ول ەس بىلگەلى تۇڭعىش رەت تۋعان اناسىن كوردى. كىشكەنتاي قىز سودان بەرى وزىنە قىمبات جانمەن  كەزدەسۋدى اسىعا كۇتەدى ەكەن. قىزى مەن اناسىنىڭ جۇزدەسكەن ءساتىن كورگەندە بالالار ورتالىعىنداعىلار دا كوزدەرىنە جاس الىپتى. 

انارگۇل باسىعارينا، قيىن جاعدايعا تاپ بولعان بالالاردى قولدايتىن ورتالىقتىڭ پەداگوگ-پسيحولوگى: 

«بۇرىنعى كرەستنايا ماما دەيدى عوي، باققان ماماسىنا باراسىڭ با دەسەم، ونى دا جاقسى كورەم، ءبىراق، ءوزىمنىڭ تۋعان اناما بارام دەيدى.  "ءىنىم بار ەكەن، ماعان ۇقسايدى. مەن انامدى ساعىندىم، اناما بارامىن، كۇن ساناپ، ساعات ساناپ كۇتۋدەمىن" دەيدى تۋعان اناسىن تاپقانىنا قاتتى قۋانعان قىز.

انارگۇل باسىعارينا اناسىمەن جۇزدەسكەنگە دەيىن اسەمگۇل تەك مارياننانى اۋزىنان تاستامايتىن بولسا، ءقازىر ەكەۋىن دە جاقسى كورەتىنىن، الايدا، ءوزىنىڭ تۋعان اناسىمەن قالعىسى كەلەتىنىن ايتادى دەيدى. وسى ۋاقىت ىشىندە بالانى تاربيەلەپ، باعىپ-قاققان مارياننا فوتەسكۋ قىزعا باۋىر باسىپ قالعانىن جاسىرمادى. ول تۋعان اناسىنان ءبۇلدىرشىندى وزىنە قالدىرۋىن سۇراپتى. 

مارياننا فوتەسكۋ، قالا تۇرعىنى: تەك ۇيىنە بارعىسى كەلەتىنىن ايتادى. كىممەن قالاتىنىن اسەمگۇل ءوزى شەشەدى

بەس جاستاعى اسەمگۇل ءقازىر بالالاردى قولداۋ ورتالىعىندا. استانادان كەلگەن اناسى قىزىن الىپ كەتۋگە تالپىنىپ ءجۇر ەكەن. جاعدايىن بىلۋگە كۇندە بارىپ تۇرادى، ويناتادى ەكەن. وسى ۋاقىتقا دەيىن حابار-وشارسىز كەتكەنىم جوق، تۇبىندە قىزىمدى الىپ كەتەم دەپ مارياننا فوتەسكۋعا ەسكەرتكەمىن دەيدى. 

اسەل ءپىرمانوۆا، اسەمگۇلدىڭ تۋعان اناسى: « الىپ كەتەمىن بالانى، قالايدا الىپ كەتەمىن. قانداي جاعداي بولماسىن، جازدا الىپ كەتەم دەپ بىلتىر عانا تەلەفوننان سويلەسكەنبىز. وتباسىلىق جاعدايىما بايلانىستى ول ۋاقىتتا الىپ كەتە المادىم، ءوزىمنىڭ 4ء-شى بوپەمدى بوساندىم. ءبىراق  مەن سويلەسىپ تۇردىم. مەكتەپكە بارعانشا دايىندىق كۋرسىنان ءوزىم بارىپ الىپ كەتەتىندىگىمدى ايتقانمىن.

تاعدىرى تالاسقا تۇسكەن تيتتەي قىزدىڭ ماسەلەسىن ءارى قاراي قامقورشىلىق بولىمىندەگىلەر شەشەدى. ارنايى كوميسسيانىڭ وتىرىسى بولىپ، سول جەردە اسەمگۇلدىڭ تاربيەسىمەن كىم اينالىساتىنى بەلگىلى بولادى. وتىرىس بەيسەنبىگە جوسپارلانىپ وتىر. 

ۇسىنعان: فاريزا جومارت قىزى