سقو اكىمدىگىنىڭ وتىرىسىندا تىلدەردى دامىتۋعا ارنالعان باعدارلامانىڭ جۇزەگە اسىرىلۋى تالقىلاندى دەپ حابارلايدى Qamshy.kz اقپارات اگەنتتىگى.

قازىرگى تاڭدا وبلىستا قازاق ءتىلىن وقىتۋعا ارنالعان كۋرستار ۇلكەن سۇرانىسقا يە. ەگەر 2016 جىلى تىلدەردى وقىتۋ ورتالىعىندا كۋرستاردى 2 مىڭ ادام ءتامامداسا، ءقازىر ورتالىقتا 2800 سولتۇستىك قازاقستاندىق وقۋدا. ورتا دەڭگەيدە وقىپ جاتقان ادامداردىڭ دا سانى ارتۋدا، 11 دەن 30 توپقا دەيىن. باعدارلامانى جۇزەگە اسىرۋ كەزىندە 15 مىڭنان اسا ادام «قازتەست» سەرتيفيكاتىنا يە بولدى. سقو اكىمىنىڭ ايتۋىنشا، بۇل جۇمىسقا وبلىس تۇرعىندارىن كوپتەپ تارتۋ قاجەت.

 «جىل سايى مىندەتتى تۇردە ءوسىم بولۋ كەرەك. ويتكەنى، مەملەكەت بۇل سالاعا كوپ قاراجات جۇمساۋدا. تىلدەردى ۇيرەنۋگە ارنايى مەحانيزمدەر جاسالعان»، - دەدى قۇمار اقساقالوۆ.

 سونداي-اق، وبلىستا قازاق تىلىندە ءبىلىم الىپ جاتقان وقۋشىلاردىڭ دا سانى ارتۋدا. سوڭعى جىلدارى بۇل كورسەتكىش 59 پايىزدان 69 % دەيىن كوبەيدى. بىلتىر مەكتەپ تۇلەكتەرىنىڭ 76 پايىزى قازاق ءتىلىن ۆ1 دەڭگەيىندە مەڭگەردى. 2017 جىلى بۇل كورسەتكىش 70% قۇراعان بولاتىن.

ۇسىنعان: جازيرا بايدالى