ەلباسىنىڭ نۇر وتان سەزىندە وتىرعان كرەسلوسى ساتىلىمعا شىقتى، دەپ جازادى Qamshy.kz اقپارات اگەنتتىگى.

Olx.kz سايتىندا ەلباسىنىڭ 27 اقپاندا وتكەن نۇر وتان سەزىندە وتىرعان كرەسلوسى ساتىلىمعا قويىلعان. ساتىلىمعا شىعارعان اۆتوردىڭ ايتۋىنشا، ەلباسى وتىرعان كرەسلو ساتتىلىك پەن تابىس الىپ كەلەدى ەكەن.

سايتتا كرەسلونى پوست اۆتورى 1،5 ميلليونعا باعالاعان. ال ءوزىن الەكساندر دەپ تانىستىرعان جازبا اۆتورى ونى 15 ميلليونعا ساتاتىنىن ايتادى.

«ەلباسى وتىرعان جەر كيەلى بولادى»، - دەيدى اۆتور. ونىڭ ايتۋىنشا، كرەسلونى ساتىپ العان ادامنىڭ بيزنەسى دامىپ، تابىسى ارتادى ەكەن.

سونداي-اق، ساتىلىمعا شىعارعان اۆتور بۇل كرەسلو جايىندا ءوزىنىڭ Twitter جەلىسىندەگى پاراقشاسىندا دا جازىپ قويىپتى. بەلگىلى بولعانداي، Olx.kz سايتىندا شىعارىلعان جارناما ءازىل رەتىندە بولعان، ول ادامداردىڭ رەاكسياسىن تەكسەرىپ كورمەك بولىپتى.

ەندى جازبا اۆتورى «ەلباسى وتىرعان كرەسلونىڭ» شىن مانىندە وزىندە جوق ەكەنىنە وكىنۋدە، سەبەبى وعان قىزىعۋشىلىق ءبىلدىرىپ، ساتىپ الۋعا نيەت بىلدىرگەن ادامدار جازا باستاپتى جانە سول كرەسلو ءۇشىن 15 ميلليون تەڭگەسىن قيۋعا دا دايىن.