استانادا وليمپيادا چەمپيونى، ق ر ەڭبەك سىڭىرگەن سپورت شەبەرى مارينا ۆولنوۆانىڭ سىيلىعى ءۇشىن بوكستان قىزدار اراسىنداعى تۋرنير سوڭىنا جەتتى، دەپ حابارلايدى Qamshy.kz اقپارات اگەنتتىگى kk.sport.gov.kz سايتىنا سىلتەمە جاساپ.

قازاقستان بوكس فەدەراسياسىنىڭ باسپا ءسوز قىزمەتىنەن ءمالىم ەتكەندەي، سايىستا قازاقستان، رەسەي، ۋكراينا، موڭعوليا مەن وزبەكستاننان كەلگەن 88 سپورتشى ءوزارا ب ا ق سىناستى. «تۋرنير - ازيا چەمپيوناتىنا دايىندىق. ءوز كەزەگىندە ازيا بىرىنشىلىگى رەسەيدە كۇزدە وتەتىن الەم چەمپيوناتىنا دايىندىق ساتىسى رەتىندە قاراستىرىلادى. تۋرنيردە موڭعوليا كومانداسى ءوزىن جاقسى كورسەتتى - 54 كەلى سالماقتا سوڭعى الەم چەمپيوناتىنىڭ جۇلدەگەرى كەلسە، ۋكراينا ءبىرىنشى نومىردەگى ماريا بوۆانى الىپ كەلدى. ءبىز ءۇشىن بۇل جاقسى تاجىريبە. ءبىزدىڭ كومانداعا 2000 جىلعى جاس سپورتشىلار كەلىپ جاتىر. ولار ءقازىردىڭ وزىندە تاجىريبەسى مول سپورتشىلارعا ەسە بەرمەيتىن دارەجەدە»، - دەيدى قازاقستاننىڭ بوكستان قىزدار قۇراماسىنىڭ باس باپكەرى ۆاديم پريسياجنيۋك.

ازيا چەمپيوناتىنا ءساۋىر ايىندا باراتىن كوماندانىڭ قۇرامىن (بانگكوكتا وتەدى) باپكەر جۋىق ارادا جاساقتاۋعا ۋادە بەرىپ وتىر. ونىڭ ايتۋىنشا، وليمپيادا ويىندارىندا قىزدار بوكسى بويىنشا سالماق ساناتى ۇشتەن بەسكە وسكەنى - قىزداردى ءبىرشاما جىگەرلەندىرۋدە. «بيىل وتە اۋقىمدى ستارتتار - ازيا چەمپيوناتى، الەم چەمپيوناتى بولادى. مەنىڭ نەگىزگى ماقساتىم - وليمپيادا ليسەنزياسىنا قول جەتكىزۋ. بۇل تۋرنيردە ماعان اسىرەسە وتانداسىم - جامبىل وبلىسىنان كەلگەن جانسايا ابدىرايىموۆامەن بولعان كەزدەسۋ ەرەكشە ەسىمدە قالدى. ونىڭ ونەرى كەرەمەت. مەنىڭ ويىمشا، ول الەم چەمپيونى بولادى»، - دەيدى ۆولنوۆا ءتۋرنيرىنىڭ جەڭىمپازى، الەمنىڭ ەكى دۇركىن چەمپيونى نازىم قىزايباي.

مارينا ۆولنوۆانىڭ سىيلىعىنا ارنالعان 2019 جىلعى ءتۋرنيردىڭ جەڭىمپازدارى مەن جۇلدەگەرلەرى:

48 كەلىدە: I الۋا بالقىبەكوۆا (قازاقستان) II ايگەرىم قاسەنايەۆا (قازاقستان) III فورتيماحان تۇرسىنبەكوۆا (وزبەكستان)، مۋنگۋساران بايسان (موڭعوليا)

51 كەلىدە: I نازىم قىزايباي (قازاقستان) II تاتيانا كوب (ۋكراينا) III مۋحسينكسين ەچحەرگال (موڭعوليا)، جاينا شەكەربەكوۆا (قازاقستان)

54 كەلىدە: I يۆانا كرۋپەنيا (ۋكراينا) II دينا جولامان (قازاقستان) III ايگەرىم وشاقباي (قازاقستان)، بالاۋسا مۇزديمان (قازاقستان)

57 كەلىدە: I ءسانيا سۇلتان قىزى (قازاقستان) II دامەتكەن كەلىمبەت (قازاقستان) III يۋليا سىپلاكوۆا (ۋكراينا)، ۆلاديسلاۆا كۋحتا (قازاقستان)

60 كەلىدە: I ريمما ۆولوسەنكو (قازاقستان) II كارينا يبراگيموۆا (قازاقستان) III نامۋن مونحور (موڭعوليا)، ساندۋعاش ءابىلحان (قازاقستان)

64 كەلىدە: I ماريا بوۆا (ۋكراينا) II ميلانا سافرونوۆا (قازاقستان) III شمينسكسينسين ۋرانبيليك (موڭعوليا)، مافتۋنوحون ميلەييەۆا (وزبەكستان)

69 كەلىدە: I بايان اقبايەۆا (قازاقستان) II اننا لىسەنكو (ۋكراينا) III اقەركە باقىتجان (قازاقستان)، الما امانقۇل (قازاقستان)

75 كەلىدە: I نادەجدا ريابەس (قازاقستان) II ايدا وڭداش (قازاقستان) III گۇلايا سادىقوۆا (قازاقستان)، ارايلىم بەكدىلدا (قازاقستان)

81 كەلىدە: I فاريزا شولتاي (قازاقستان) II ءمولدىر بازاربايەۆا (قازاقستان) III التىن مۇقىشبەكوۆا (قازاقستان)، تاڭشولپان الييەۆا (قازاقستان)

+81: I ءلاززات كۇنگەبايەۆا (قازاقستان) II ۋميدا سادىقوۆا (قازاقستان) III دينا يسلامبەكوۆا (قازاقستان)، ءمولدىر راۋشانبەك (قازاقستان)

ۇسىنعان: ماقپال سەمباي