باتىر جۇكەمبايەۆ كاسىپقوي بوكستاعى كەزەكتى جەڭىسىنە قول جەتكىزدى، - دەپ حابارلايدى Qamshy.kz اقپارات اگەنتتىگى sports.kz سايتىنا سىلتەمە جاساپ.
كانادانىڭ مونرەال قالاسىندا وتكەن رەيتينگتىك جەكپە-جەكتە ونەر كورسەتكەن قازاقستاندىق بوكسشىنىڭ كەزدەسۋى بوكس كەشىنىڭ باستى وقيعاسى بولدى.
جۇكەمبايەۆ شارشى الاڭدا مەكسيكالىق حيلبەرتو مەساعا قارسى جۇدىرىقتاستى. بىلتىر ناۋرىزدا وسى بوكسشى تاعى ءبىر قازاقستاندىق بوكسشى - ابىلايحان قۇسايىنوۆتان جەڭىلگەن ەدى.
ءبىرىنشى جارتىلاي ورتا سالماقتا وتكەن كەزدەسۋ تولىق 10 راۋندتان تۇردى جانە تورەشىلەردىڭ ءبىراۋىزدان شىعارعان شەشىمى بويىنشا قازاقستاندىق بوكسشى جەڭىسكە جەتتى.
جەڭىلىسسىز كەلە جاتقان جۇكەمبايەۆ ءۇشىن بۇل كاسىپقوي بوكستاعى 15ء-شى جەڭىس. سونىمەن قاتار، ول العاش رەت جەتى راۋندتان جوعارى كەزدەسۋ وتكىزدى.
نەگىزىندە جۇكەمبايەۆ باسقا ءبىر مەكسيكالىق بوكسشى - كارلوس حيمەنەسپەن جۇدىرىقتاسۋى كەرەك بولعان. الايدا كەزدەسۋگە بىرنەشە كۇن قالعان ۋاقىتتا قارسىلاسى اۋىسىپ كەتتى. باستاپقىدا حيمەنەسپەن دانيار ەلەۋسىنوۆ جۇدىرىقتاسۋى كەرەك بولعان، الايدا ول جۇكەمبايەۆتى تاڭداعان.
ۇسىنعان: ماقپال سەمباي
پىكىر قالدىرۋ