21 ناۋرىزدا استانا اكىمدىگىنىڭ الدىندا 20-عا جۋىق ادامدى پوليسيا ۇستاپ اكەتتى. ۇستالعاندار اراسىندا قالا اتاۋىن "نۇرسۇلتان" دەپ وزگەرتۋگە قارسى شىققاندار دا بار Qamshy.kz اقپارات اگەنتتىگى ازاتتىقتىڭ دەرەگىن نەگىزگ الىپ.
21 ناۋرىز تاڭەرتەڭ استانادا قالا تۇرعىنى زاۋرە ساعيدولدينانى پوليسيا ۇستاعان. ساعيدولدينا قالا اكىمدىگىنە بارىپ استانا اتاۋىن "نۇرسۇلتان" دەپ وزگەرتۋگە "قارسىلىق تانىتپاق بولعان". پوليسيا تۇرعىندى ۇستاپ جاتقان ساتتە قولىنداعى قاۋلىنى وقىپ بەردى. قاۋلىدا ساعيدولدينانى ەلدە تىيىم سالىنعان "قازاقستاننىڭ دەموكراتيالىق تاڭداۋى" قوزعالىسىنا قاتىستى قىلمىستىق ىسكە كۋاگەر رەتىندە شاقىرعان. پوليسيا ناقتى قاي قىلمىستىق ءىس ەكەنىن ايتپادى.
20 ناۋرىزدا پارلامەنتتىڭ قوس پالاتاسىنىڭ بىرلەسكەن وتىرىسىندا قازاقستان حالقىنا انت بەرىپ، پرەزيدەنت قىزمەتىنە كىرىسكەن قاسىم-جومارت توقايەۆ مەملەكەت استاناسىنا ەلدىڭ تۇڭعىش پرەزيدەنتى نۇرسۇلتان نازاربايەۆتىڭ ەسىمىن بەرۋدى ۇسىندى. ول "وبلىس ورتالىقتارىنداعى نەگىزگى كوشەلەرگە نازاربايەۆ اتىن بەرۋ كەرەك" دەدى. وسى كۇنى پارلامەنت استانا اتاۋىن نۇرسۇلتان دەپ وزگەرتۋ تۋرالى زاڭ جوباسىن قابىلداعان. توقايەۆ ۇسىنىسىن استانا قالالىق ءماسليحاتى دا قولداعان.
ۇسىنعان: اسەل بولات قىزى
