قازاقستان رەسپۋبليكاسى ۇكىمەتىنىڭ جانىنداعى رەسپۋبليكالىق ونوماستيكالىق كوميسسيانىڭ وتىرىسى بولىپ ءوتتى، دەپ جازادى Qamshy.kz اقپارات اگەنتتىگى ق ر مادەنيەت جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ.
2019 جىلعى 20 ناۋرىزدا قازاقستان رەسپۋبليكاسى ۇكىمەتىنىڭ جانىنداعى رەسپۋبليكالىق ونوماستيكالىق كوميسسيانىڭ وتىرىسى بولىپ ءوتتى، وندا ءبىرقاتار جەرگىلىكتى ءماسليحاتتاردىڭ وبلىستىق قالالاردىڭ ورتالىق كوشەلەرىن قايتا اتاۋ تۋرالى شەشىمدەرى قارالدى.
اتاپ ايتقاندا، كوميسسيا ءبىرقاتار وبلىس ورتالىقتارىنىڭ كوشەلەرىن ق ر تۇڭعىش پرەزيدەنتى – ەلباسى ن.نازاربايەۆتىڭ قۇرمەتىنە قايتا اتاۋ تۋرالى شەشىمدەرى قولداۋ تاپتى.
سونىمەن بىرگە، رەسپۋبليكالىق ونوماستيكالىق كوميسسيا اتىراۋ، اقتوبە، قوستاناي، جامبىل وبلىستارىنىڭ اكىمشىلىك ورتالىقتارىنداعى قايتا اتاۋ ءۇشىن ۇسىنىلعان كوشەلەردى وزگە وبەكتىلەر مەن كوشەلەردى انىقتاي وتىرىپ، قايتا قاراۋدى ۇسىندى.
ەستەرىڭىزگە سالا كەتەيىك، ا.ج. 20 ناۋرىزدا ق ر پرەزيدەنتى ق.ك.توقايەۆ زامانىمىزدىڭ ۇلى تۇلعاسى جانە تاۋەلسىز قازاقستاننىڭ نەگىزىن قالاۋشى رەتىندە نۇرسۇلتان نازاربايەۆتىڭ ەسىمىن قازاقستاننىڭ ءىرى قالالارىنىڭ ورتالىق كوشەلەرىن قايتا اتاۋ جولىمەن ءماڭگىلىك ەستە قالدىرۋدى ۇسىنعان بولاتىن.
ۇسىنعان: نازەركە لابيحان
