بۇگىن استانا قالاسىنىڭ اكىمى باقىت سۇلتانوۆ قالا تۇرعىندارىن مەرەكەمەن قۇتتىقتاپ، استانانىڭ «نۇر-سۇلتان» اتىمەن اتالسا دا قالا تۇرعىندارى استانالىقتار بولىپ قالا بەرەتىنىن مالىمدەدى  دەپ حابارلايدى Qamshy.kz اقپارات اگەنتتىگى.

"قىمباتتى استانالىقتار! ارداقتى ەلوردانىڭ تۋرعىندارى مەن قوناقتارى! سىزدەردى ۇلىستىڭ ۇلى كۇنى – ناۋرىز مەرەكەسىمەن شىن جۇرەكتەن قۇتتىقتايمىن! ناۋرىز – جاڭارۋ مەن جاسامپازدىقتىڭ، ىرىس-بەرەكە مەن بىرلىكتىڭ مەرەكەسى. حالقىمىز ونى قاشاندا بيىك كوڭىلمەن، ەرەكشە ىقىلاسپەن قارسى الادى. بۇل ەلىمىزدىڭ ىنتىماعى مەن بىرلىگىن، بەرەكەسىن ۋاعىزدايتىن ۇلى مەيرام. وتكەن مەن بولاشاقتى، تاتۋلىق پەن سىيلاستىقتى جالعاعان جاسامپاز مەرەكە. قازاقستاننىڭ تۇڭعىش پرەزيدەنتى ن.ءا.نازاربايەۆ الداعى 10 جىلدى ەلىمىزدى دامىعان 30 مەملەكەتتىڭ قاتارىنا قوساتىن شەشۋشى كەزەڭ ەكەنىن اتادى. قازاقستان پرەزيدەنتى قاسىم-جومارت توقايەۆ ءبىزدىڭ باستى مىندەتىمىز – تۇرعىنداردىڭ ءال-اۋقاتىن ارتتىرۋ جانە تۇرمىسىن-تىرشىلىگىن جاقسارتۋدى جالعاستىرۋدى تاپسىردى. وسىناۋ جاڭا جىلدىڭ باستاۋى ەلىمىزگە ەرەكشە جاڭالىعىمەن كەلىپ، جاقسىلىقتىڭ جارشىسى بولۋدا. بۇگىندە ءبىز دامۋدىڭ جاڭا كەزەڭىنە قادام باستىق.- دەدى قالا اكىمى.

باقىت سۇلتانوۆ: ەلوردا وتكەننىڭ قۇندىلىقتارىن دارىپتەي وتىرىپ، كۇللى الەمگە «نۇر-سۇلتان» اتىمەن قازاقستاننىڭ جاڭا بەينەسىن پاش ەتىپ وتىر. بۇل ەلباسىمىزدىڭ ەرلىگى مەن ەرەن ەڭبەگىن باعالاۋ، ەسىمىن ەلەپ، ماڭگىلىك تاريxتا قالدىرۋ. الايدا، ءبىز، ءبارىمىز، استانالىقتار بولىپ قالا بەرەمىز - دەپ مالىمدەدى.

ۇسىنعان: فاريزا جومارت قىزى