يراكتا ناۋرىز مەرەككەسىن تويلاۋعا شىققان تۋريستەر سۋعا باتىپ، 100-گە جۋىق ادام قازا تاپتى. بۇل تۋرالى Qamshy.kz اقپارات اگەنتتىگى bbc.com سايتىنىڭ دەرەگىن نەگىزگە الا وتىرىپ حابارلايدى.

يراكتا تيگر وزەنىندەگى تۋريستىك پارومنىڭ قۇلاۋىنان 100-گە جۋىق ادام قازا تاپتى. جەرگىلىكتى بيلىك وكىلدەرىنىڭ ايتۋىنشا، قايتىس بولعانداردىڭ كوپشىلىگى ءجۇزۋ بىلمەيتىن ايەلدەر مەن بالالار بولعان.

"تۋريستەر پارومىندا شامامەن 200 ادام بولدى. ولاردىڭ كوپشىلىگى جۇزە المايدى"، - دەيدى موسۋل ازاماتتىق قورعانىس قىزمەتىنىڭ باسشىسى.

بۇل قايعىلى وقيعا يراك قالاسىنان بىرنەشە شاقىرىمدا ورنالاسقان تيگر وزەنىندە يران جانە تۇركى حالىقتارىنىڭ كوكتەمنىڭ ەرەكشە مەرەكەسى ناۋرىزدى تويلاۋ كەزىندە ورىن العان.

قايعىلى وقيعادان ءبىراز ۋاقىت بۇرىن بيلىك ادامدارعا قاتتى جاڭبىردان كەيىن وزەندەگى سۋ دەڭگەيىنىڭ كوتەرىلۋى تۋرالى ەسكەرتىلگەن، الايدا كەمە قايىقشاسىنىڭ وپەراتورى بۇل ەسكەرتۋلەردى ەسكەرمەگەن بولۋى كەرەك.

اۋدارعان: فاريزا جومارت قىزى