پاۆلوداردا جارىلعىش زاتقا قاتىستى حابارلامادان كەيىن تەمىرجول جانە اۆتوۆوكزالداردان 240 ادام ەۆاكۋاسيالاندى دەپ حابارلايدى Qamshy.kz اقپارات اگەنتتىگى pavlodarnews.kz. سايتىنا سىلتەمە جاساي وتىرىپ.
وبلىستىق پوليسيا ءبولىمىنىڭ باسپا ءسوز قىزمەتىنەن حابارلاعانىنداي، قۇقىق قورعاۋ ورگاندارىنىڭ قىزمەتكەرلەرى ستانسياداعى بومبا تۋرالى حابارلاعان ادامدى انىقتادى.
18:49-دا بەلگىسىز ادام قوڭىراۋىن شالىپ تەمىرجول ۆوكزالىندا بومبا بولعانىن مالىمدەدى. كەيىن تاعى دا ەكى رەت قوڭىراۋ شالىپ، جارىلعىش بومبا تۋرالى تاعىدا حابارلاعان.
ناتيجەسىندە قۇقىق قورعاۋ ورگاندارىنىڭ قىزمەتكەرلەرى اۆتوبۋس پەن تەمىرجول ۆوكزالدارىنان 240 ادامدى كوشىردى.
"جالعان اقپارات تاراتۋ فاكتىسى بويىنشا 1992 جىلى وبلىستىڭ تۇرعىنى ماس كۇيىندە ۇستالدى. ۇيالى تەلەفونى تاركىلەندى. تەرگەۋ ءىس-شارالارى جۇرگىزىلۋدە"، - دەپ اتاپ ءوتتى پوليسيا قىزمەتكەرلەرى.
اۋدارعان: فاريزا جومارت قىزى
