مەملەكەت باسشىسى تۇركيا رەسپۋبليكاسىنىڭ پرەزيدەنتى رەجەپ تاييپ ەردوعانمەن تەلەفون ارقىلى سويلەستى دەپ حابارلادى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساي وتىرىپ.
رەجەپ ەردوعان قاسىم-جومارت توقايەۆتى قازاقستان رەسپۋبليكاسىنىڭ پرەزيدەنتى لاۋازىمىنا كىرىسۋىمەن قۇتتىقتاپ، جاۋاپتى قىزمەتىنە تابىس تىلەدى.
اڭگىمەلەسۋ بارىسىندا ەكى ەل باسشىلارى قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ قازاقستان مەن تۇركيا اراسىنداعى قارىم-قاتىناستاردى قالىپتاستىرۋ جانە ىنتىماقتاستىقتى دامىتۋ ىسىندە ەرەكشە ءرول اتقارعانىن اتاپ ءوتتى.
ەكى ەل پرەزيدەنتتەرى ءبىر-بىرىن ناۋرىز مەيرامىمەن قۇتتىقتادى.
تەلەفون ارقىلى سويلەسۋگە تۇركيا جاعى باستاماشى بولدى.
ۇسىنعان: فاريزا جومارت قىزى
