قازاقستان پرەزيدەنتى قاسىم-جومارت توقايەۆ قازاقستاندى ورىس الەمىنە قوساقتاپ قويعىسى كەلەتىندەرگە "ءبىزدىڭ ءوز قازاق الەمىمىز بار" دەپ جاۋاپ بەردى. بۇل تۋرالى Qamshy.kz اقپارات اگەنتتىگى حابارلايدى.

بۇل جايىندا قاسىم-جومارت توقايەۆ 2018 جىلدىڭ 21 ماۋسىمدا BBC سايتىنا بەرگەن سۇحباتىندا مالىمدەگەن.

“شىنىمەن دە، قازاقستاندا ورىستىلدىلەر كوپ. ەلىمىزدە  كۇندەلىكتى قارىم-قاتىناستا قازاق تىلىمەن قاتار، ورىس ءتىلى دە قولدانىلادى.  دەگەنمەن، ءقازىر ءبىز كيريلليسادان لاتىن قارپىنە كوشۋگە ازىرلەنىپ جاتىرمىز، اعىلشىن ءتىلىن مەڭگەرۋگە دە باسا كوڭىل بولىنۋدە. جاستارىمىز كوپ ءتىل مەڭگەرسە، ءومىر جولىندا سوعۇرلىم جەڭىل بولادى.   ءبىز كەيبىرەۋلەردىڭ قازاقستاندى “ورىس الەمىنە” قوسىپ قوياتىن تۇجىرىمىمەن كەلىسپەيمىز، ءبىزدىڭ ءوز “قازاق الەمىمىز” بار." - دەدى توقايەۆ.

ۇسىنعان: فاريزا جومارت قىزى