قازاقستاننىڭ تۇركياداعى ەلشىلىگى ۇلىستىڭ ۇلى كۇنى انكارادا ءۇي تىگىپ، ناۋرىز مەرەكەسىن سان-سالتاناتىمەن اتاپ ءوتتى. بۇل تۋرالى Qamshy.kz اقپارات اگەنتتىگى حابارلايدى.

ەلشى ابزال ساپاربەك ۇلى، تۇركيا رەسپۋبليكاسى پرەزيدەنتىنىڭ باس كەڭەسشىلەرى يالچىن توپچۋ جانە يحسان شەنەر، تۇركسوي باس حاتشىسىنىڭ ورىنباسارى فىرات پۋرتاش، تۇركيا ۇلى ۇلتتىق ءماجىلىسىنىڭ ەكس-سپيكەرى حيكمەت چەتين، تۇۇم دەپۋتاتى، پرەمەر-مينيستردىڭ بۇرىنعى ورىنباسارى يىلدىرىم تۇعرىل تۇركەش جانە باسقا مەملەكەت، قوعام قايراتكەرلەرى، انكاراداعى ديپلوماتيالىق كورپۋس باسشىلارى، ىستامبۇل، مانيسا، نيعدە، ساكاريادان كەلگەن قازاق دياسپوراسى، تۇركيادا ءبىلىم الىپ جاتقان ستۋدەنتتەر مەن ب ا ق وكىلدەرى قاتىسقان شارادا قازاقتىڭ سالت-داستۇرلەرى مەن ادەت-عۇرىپتارى، ۇلتتىق كيىمدەرى مەن اس ءمازىرى كوپشىلىك نازارىنا ۇسىنىلدى.

جاڭارۋ مەن جاڭعىرۋدىڭ قۇتتى باستاۋىنا قىدىر اتا اق باتاسىن بەرىپ، ساحنالىق كورسەتىلىم «بەتاشار»، «تۇساۋكەسەر» راسىمدەرىنە ۇلاستى. كونسەرتتىك باعدارلاما بارىسىندا امرە، «جىگىتتەر» توبى، قازاق ۇلتتىق ونەر ۋنيۆەرسيتەتى «استانا» فولكلورلىق ءانسامبلى، «وتاۋ» بي توبى جانە تۇركسوي تالانتتارى ونەر كورسەتىپ، رەسمي قابىلداۋمەن جالعاستى.

ۇسىنعان: فاريزا جومارت قىزى