ازاماتتىق اۆياسيا كوميتەتى «ەير استانانى» نۇر-سۇلتان – توكيو – نۇر-سۇلتان باعىتىنداعى رەيستەردى ورىنداۋعا بەكىتتى. بۇل تۋرالى Qamshy.kz اقپارات اگەنتتىگى ازاماتتىق اۆياسيا كوميتەتىنىڭ Facebook-تەگى پاراقشاسىنا سىلتەمە جاساپ حابارلايدى. 

ۆەدومستۆودا حابارلانعانداي، قازاقستان رەسپۋبليكاسى تۇڭعىش پرەزيدەنتىنىڭ 2019 جىلدىڭ 30 قاڭتارىندا وتكەن ق ر ۇكىمەتىنىڭ كەڭەيتىلگەن وتىرىسىندا بەرگەن تاپسىرماسىنا سايكەس، ق ر ييدم ازاماتتىق اۆياسيا كوميتەتى «ەير استانا» اۋە كومپانياسىن نۇر-سۇلتان – توكيو – نۇر-سۇلتان باعىتىنداعى تۇراقتى رەيستەردى ورىنداۋ ءۇشىن قازاقستان رەسپۋبليكاسىنىڭ اۋە تاسىمالداۋشىسى رەتىندە بەكىتىلدى.

بۇل رەتتە، ەلىمىز بەن جاپونيا ارالىعىنداعى تىكەلەي رەيستەردى اشۋدىڭ قۇقىقتىق نەگىزى 2016 جىلدىڭ قاراشا ايىندا قالىپتاسقانىن ايتا كەتكەن ءجون. وعان سايكەس، قازاقستان مەن جاپونيا اۋە كومپانيالارىنىڭ ءار تاراپتان اپتاسىنا 14 رەيسكە دەيىن ورىنداۋ مۇمكىندىگى بار.

2019 جىلدىڭ ەكىنشى جارتىسىندا «ەير استانا» اۋە كومپانياسى توكيوعا تىكەلەي رەيستەر اشۋدى جوسپارلاپ وتىر. ۇشۋ جيىلىگى اپتاسىنا 2 رەيس Boeing 767 ۇشاعىمەن ورىندالادى.

ۇسىنعان: گۇلىم جاقان