قازاقستان جايلى كوپشىلىك بىلە بەرمەيتىن دەرەكتەر وتە كوپ. Qamshy.kz اقپارات اگەنتتىگى وقىرماندار نازارىنا قازاقستاندا عانا ەمەس، بۇكىل عالامشارداعى اۋماعى جونىندەگى ەڭ  ءىرى قالا تۋرالى اقپارات ۇسىنادى.

ەلىمىزدەگى ەڭ ۇلكەن قالا الماتى دەپ ويلاساڭىز، قاتەلەسەسىز. ول استانا دا ەمەس. قازاقستانداعى اۋماعى بويىنشا ەڭ ۇلكەن قالا — قوستاناي وبلىسىنداعى ارقالىق قالاسى.
⠀
قالا اۋدانى 15 587 كم-دى قۇرايدى. مۇنداي تەرريتورياعا 22 الماتى نەمەسە 21 استانا سىيىپ كەتە الادى ەكەن. وسىعان دەيىن قالا اۋدانى بويىنشا عالامشارداعى ەڭ ءىرى قالالاردىڭ ءبىرى بولىپ ەسەپتەلگەن، دەگەنمەن ءقازىر دە، الەمدەگى ۇلكەن قالالاردىڭ ءبىرى.

ماسەلەن، نيۋ-يورك قالاسى اۋدانى جاعىنان ارقالىق قالاسىمەن سالىستىرعاندا 10 ەسە كىشى. تاريحي ەسەپتەۋلەرگە قاراعاندا، ارقالىق گەولوگتار مەن قۇرىلىسشىلاردىڭ اۋىلى رەتىندە 1956 جىلى نەگىزى قالانىپ، كەيىن بوكسيت رۋدالارىن يگەرگەن سوڭ قالاعا اينالعان. 1980-جىلداردىڭ ءبىرىنشى جارتىسىندا قالا گۇلدەنە باستاعان. الايدا، ورنالاسقان ايماقتىڭ ىڭعايسىزدىعى مەن ينفراقۇرىلىمىنىڭ ناشارلىعى سالدارىنان 80-جىلدارى قايتا قۇلدىراي باستاعان.
⠀
ءقازىر قالا ءوزىنىڭ ۇلكەن اۋماعىنا قاراماستان، تۇرعىندارىنىڭ سانى از (40 مىڭنان اسا) قالا ورتالىعى بولىپ ەسەپتەلەدى. قالاداعى باستى پروبلەمالاردىڭ ءبىرى كولىك ماسەلەسىنە قاتىستى. 2012 جىلعا دەيىن ءبىر عانا ارقالىق-ەسىك باعىتىنداعى تەمىر جول بۇتاعى جۇمىس ىستەپ تۇرعان.  سوندىقتان 2012-2014 جىلدارى وڭتۇستىك باعىتتا جۇرەتىن تاعى ەكى تەمىرجول بۇتاعى سالىنىپ، جاعداي ءبىرشاما تۇزەلگەن.

دەرەككوز: bilimland.kz 

ۇسىنعان: ماقپال سەمباي