ەلىمىزدە ورىن العان قازالى وقيعا بارشا حالىقتى ەسەڭگىرەتىپ جىبەرگەنى راس. 13 ازاماتتىڭ ءومىرىن جالماعان جانتۇرشىگەرلىك اپاتقا قاتىستى قوعام بەلسەندىسى، زاڭگەر ايگۇل ورىنبەك ءوزىنىڭ الەۋمەتتىك جەلىدەگى پاراقشاسىندا پىكىر ءبىلدىردى، دەپ جازادى Qamshy.kz اقپارات اگەنتتىگى. 

"ادام جوعالتقان جاندار عانا بىلەدى، بۇل قازانىڭ وتە اۋىر ەكەنىن.

ون ءۇش وتباسى ويراندالدى! ءجاي عانا وقۋ جاتتىعۋىنان ون ءۇش ادامنان ايرىلىپ قالدىق. سوعىس بولسا، ءبارىمىز قىرىلىپ قالادى ەكەنبىز عوي. مەملەكەتىم جايلى جامان جازعىم كەلمەيدى، ءبىراق قاشانعى جالعاسا بەرەدى؟

بىلتىر اقتاۋدا تەڭىز وقۋ جاتتىعۋىندا وسىلاي جاعداي ورىن الدى. نەگىزى وتە كوپ، ءبىز بىلمەي قالىپ جاتقانى قانشاما!؟ مەملەكەتتەن بولىنگەن قارجى تالان-تاراجعا كەتىپ جاتىر. قورعانىسىمىز ءبىزدى شىنىندا قورعاي الادى ما؟

قورعانىس مينيسترلىگىندە جىلدا پارامەن مىقتى ازاماتتار جالامەن ۇستالىپ قاماۋدا جاتىر. سەبەبى قورعانىس جۇيەسىن ساۋىپ، سورىپ وتىرعاندار وتە كوپ. ءبارى جان- جاقتان تەندەر الۋ ءۇشىن كوكە – جاكەلەرىن ارقىلى، ساربازدارعا، تەحنيكاعا بولىنەتىن قارجىلاردى ءوز قالتالارىنا سالىپ وتىرادى. "بۇل اقپاراتتى قايدان بىلەسىڭ؟"- دەپ سۇرارسىزدار. باس پروكۋراتۋراعا بارعاندا كوپتەگەن وفيسەرلەردىڭ ايەلدەرىن كورەم، جىلاپ جۇرگەن. قانشاما مىقتى ەل قورعايتىن ازاماتتار جالامەن قامالىپ كەتىپ وتىر. ال قانشاماسى وسىنداي جاتتىعۋ كەزىندە ءولىپ كەتىپ جاتىر. سەبەبى، تەحنيكا شىرىگەن. ايتا بەرسەم جىرى كوپ، ءبىراق اپتالداي ازاماتتارىمىزدى جوقتاماۋ مۇمكىن ەمەس!
بۇگىن بۇكىل قازاق ءۇشىن قارالى كۇن!" - دەپ جازادى ايگۇل ورىنبەك.

ۇسىنعان: نازەركە لابيحان