مي – تاپشى ورگان. نەيروعالىمدار الەم حالقىنىڭ 15 پايىزىنان استامىن الاڭداتاتىن اۋرۋلاردى زەرتتەۋ ءۇشىن مي ۇلپاسىنىڭ كەز كەلگەن ءتۇرىن قاجەت ەتەدى. تيش ەۆەلدى مىسالعا الايىق. 2015 جىلى ونىڭ اكەسى ليەۆي دەمەنسيا اۋرۋىنان كوز جۇمعاننان كەيىن ەۆەلدىڭ وتباسى مارقۇمنىڭ ميىن زەرتتەۋگە رۇقساتىن بەرەدى. ولار مۇنىڭ ۇزاق ۋاقىت الاتىنىن بىلسە دە، كەلىسەدى. بۇل تاجىريبە ەۆەلدىڭ دونورلاردىڭ تىركەلۋىن جەڭىلدەتۋ ءۇشىن «مي دونورى» جوباسىن قولعا الۋىنا تۇرتكى بولدى. بۇل جوباعا ەكى جىلدىڭ ىشىندە 2000-نان استام ادام تىركەلگەن.
مەديسينا
ميدى بەرۋ تۋرالى الىپقاشپا اڭگىمەنى جوققا شىعارۋ. جەلىدە braindonorproject.org پاراقشاسىمەن اشىلعان تيش ەۆەلدىڭ ۇيىمى قايتىس بولعان ادامنىڭ ميىن زەرتتەۋگە بەرۋ پروسەسىن جەڭىلدەتۋدى كوزدەيدى. ۇيىم، سونداي-اق بۇل تاقىرىپقا قاتىستى تۇسىنىسپەۋشىلىكتى سەيىلتەدى. ءسىزدىڭ ءبىلۋىڭىز كەرەك جايتتار مىناداي:
اعزا دونورى
ەگەر ءسىزدىڭ جۇرگىزۋشى كۋالىگىڭىزدە «اعزا دونورى» دەپ جازىلعان بولسا، قۇتتىقتايمىز، سەبەبى ءسىز قايىرىمدىلىقپەن اينالىسىپ جاتىرسىز. وعان، ارينە، بارلىق اعزاڭىز كىرمەيدى. ءسىزدىڭ جۇرەگىڭىز، كەۋدە قۋىسىڭىز بەن ۇيقى بەزىڭىز جولى بولعان جاندارعا بارادى، ءبىراق ميىڭىز، ءسىز ارنايى كەلىسىم بەرمەگەن بولساڭىز، وزىڭىزدە قالادى.
ساۋ مي
دونورلىق ەتىپ، ميىڭىزدى بەرگەن ساتتەگى ونىڭ قانداي كۇيدە بولارى بەلگىسىز. الايدا، شىندىعى سول، ول تەك كەي جاعدايلاردا جانە ينفەكسيالىق اۋرۋلار بار بولسا عانا زەرتتەۋگە جارايدى. عىلىمعا ءارتۇرلى مي كەرەك، ويتكەنى زەرتتەۋ ءۇردىسىنىڭ باستى تۇسى – اۋرۋلار مەن ساۋ اعزالاردى سالىستىرۋ.
اشىق تابىت
ءسىز ميدى الىپ تاستاۋ ءتۇرىڭىزدى جاعىمسىز ەتەدى دەپ قورقاتىن شىعارسىز. ەشقاشان ولاي بولمايدى. «مي باس سۇيەكتىڭ ارتقى بولىگىن تىلىك جاساۋ ارقىلى الىناتىندىقتان باستىڭ ءپىشىنىن وزگەرتپەيدى»، – دەيدى ەۆەل.
شىعىندار
ەگەر ءسىز ميىڭىزدى اقش-تاعى ۇلتتىق دەنساۋلىق ساقتاۋ ينستيتۋتتارىنىڭ التى مي بانكىنىڭ بىرىنە بەرەتىن بولساڭىز، وتباسىڭىز ميدى الىپ-بەرگەنگە جانە ساقتاعانعا ەشتەڭە تولەمەيدى.
ۋاقىت
"ميىڭىزدى عىلىمنىڭ دامۋىنا ارنايمىن" دەپ شەشسەڭىز، پاتولوگتار 24 ساعاتتىڭ ىشىندە ميىڭىزدى شىعارىپ الۋى كەرەك. ولار ميدىڭ ۇلپاسىن دا تەز ارادا العاندى ءجون كورەدى. سوندىقتان وتباسىڭىزعا تاڭداۋىڭىز جايلى جانە ونىڭ قالاي جۇزەگە اسىرىلعانىن قالايتىنىڭىزدى ايتىپ كەتىڭىز.
مىنا 101 جاستاعى دونور قاريانىڭ ميى ءوز قاتارلاستارىنان ۇلكەنىرەك. ول سوڭعى دەمى شىققانشا زەيىنىن جوعالتپاعان دەسەدى.
لوري كۋسبەرت
ۇسىنعان: گۇلىم جاقان
