«1 ساۋىردەن باستاپ ءار قازاقستاندىقتىڭ فاميلياسىنىڭ باسىنا «نۇر» ءسوزى جالعانۋى ءتيى»س. بۇگىن الەۋمەتتىك جەلىدە وسى مازمۇندى اقپارات تاراپ، ەل تۇرعىندارىن ابىگەرگە سالدى. انىقتالعانداي، بۇل جالعان بولىپ شىقتى. مۇنىڭ ءمان-جايىن اقپارات جانە قوعامدىق دامۋ مينيسترلىگى ءتۇسىندىرىپ بەردى.

«بۇل – فەيك. مۇنىڭ بىرنەشە دالەلى بار. بىرىنشىدەن، اقپارات يندۋستريا جانە سيفرلىق دامۋ مينيسترلىگىنىڭ شەشىمىنە سىلتەمە بەرۋ ارقىلى جازىلعان. ال قازاقستاندى ونداي مينيسترلىك اتىمەن جوق. ونىڭ ۇستىنە بەلگىسىز بىرەۋدىڭ ءسوزىن كەلتىرگەن. ەگەر وسى سىندى شەشىم شىقسا، ەلگە تانىمال مەملەكەتتىك تۇلعا مالىمدەمە جاسار ەدى. تاعى ءبىر ايتا كەتەرلىگى، دەرەككوزى «شۋداعى 1 ءساۋىر» دەپ بەرىلگەن. وسىعان قاراپ-اق اقپاراتتىڭ جالعان ەكەنىنە كوز جەتكىزۋگە بولادى»، - دەدى مينيسترلىكتىڭ ءباسپاسوز-حاتشىسى ايجان مۋسينوۆا.

ونىڭ ۇستىنە اقپارات شۋ اۋدانىنداعى «ستابيلنايا گازەتا» باسىلىمىنان شىققانى انىقتالدى. اتالمىش باسىلىم قازاقستاندىقتاردى ابىگەرگە سالعان اقپارات ءۇشىن كەشىرىم سۇرادى.

ۇسىنعان: گۇلىم جاقان