الماتىدا ەكى جاسار قىزدى روتۆەيلەر يت تالاپ ءولتىردى، دەپ جازادى Qamshy.kz اقپارات اگەنتتىگى.

اتالمىش وقيعا قۇرىلىسشى شاعىن اۋدانىندا ورىن العان. كىشكەنتاي ءبۇلدىرشىن دارىگەرلەر كەلىپ جەتكەنشە قايتىس بولىپ كەتكەن.

كەيىنىرەك الماتى قالالىق ۆەتەرينار قىزمەتىندە كىشكەنتاي قىزعا ءبىر ەمەس، ەكى ءيتتىڭ جابىلعانىن انىقتادى. بەلگىلى بولعانداي، ەكى يت تە قايتىس بولعان ءبۇلدىرشىننىڭ وتباسىنا تيەسىلى ەكەن.

«ءقازىر كىشكەنتاي قىزدى تالاپ ولتىرگەن روتۆەيلەر ۋاقىتشا يتتەر مەن مىسىقتاردى ۇستاۋعا ارنالعان يزولياتوردا قاماۋدا، ولاردى ارنايى ۆەتەرينار ماماندار ءوز باقىلاۋىندا ۇستايدى. بولعان ءىستىڭ ءمان-جايى انىقتالىپ جاتىر. سونداي-اق، مۇنداي تۇقىمدى يتتەردى اسىرايتىن وتباسىلارعا قاۋىپسىزدىك شارالارىن قاتاڭ ۇستانۋ قاجەتتىگى ەسكەرتىلدى»، - دەيدى ۆەدومستۆو قىزمەتكەرلەرى.

ايتا كەتەيىك، مۇنداي وقيعا ءبىرىنشى رەت بولىپ وتىرعان جوق. بۇل ۋاقىتقا دەيىن دە يتتەر تالاپ ولتىرگەن بىرنەشە وقيعالار تىركەلگەن. سولاردىڭ ءبىرى – 2016 جىلدىڭ 13 ساۋىرىندە اقبۇلاق شاعىن اۋدانىندا ءۇش جاسار قىزدى قاڭعىعان يتتەر تالاپ ولتىرگەن ەدى.

ۇسىنعان: نازەركە لابيحان