قازاقستاننىڭ ەڭبەك سىڭىرگەن ءانشىسى نۇرلان ونەربايەۆ ديماش تۋرالى پىكىرى ءبىلدىردى دەپ جازادى Qamshy.kz اقپارات اگەنتتىگى. بۇل تۋرالى ول ءوزىنىڭ Instagram پاراقشاسىنا جازدى.
"تاعى ءبىر جاڭا بيىك. تاعى ءبىر جاڭا بەلەس. قۇداي بەرەسالعان ديماش قۇدايبەرگەننىڭ ماسكەۋدەگى وتكەن كونسەرتىنەن كەيىنگى وي. ءان الەمىندەگى بۇعان دەيىن ەشبىر ءانشى جەتە الماعان بيىكتى،ەشبىر ءانشى اسا الماعان اسۋدى ءبىزدىڭ ديماشىمىز جەتىپ قانا قويعان جوق، ول ودان اسىپ ءتۇستى. "بارەكەلدى!" - دەيمىز. وسىنداي ۇلدىڭ وزىڭنەن شىققانىنا جانە قازاق بولعانىنا،قازاق بولعاندا دا قانى بار،نامىسى بار قازاق بولعانىنان اينالىپ كەتپەيسىڭ بە، اعايىن. قاشاننان ەلدىڭ، جەردىڭ اتىن شىعاراتىن دا ايگىلەيتىن دە سول ەلدىڭ ونەرى مەن مادەنيەتى،تاريحى بولعان. تەرەڭ تاريحى مەن باي مادەنيەتىن الەمگە ونەرى ارقىلى تانىتىپ كەلە جاتقان ديماش ۇلىمىزدىڭ بويىنا كورىكتى، بيازىلىقتى، مادەنيەتتىلىكتى، ونەردى، اسقاق ءۇندى جاراتۋشىمىز قازاقى مىنەزبەن قوسىپ نامىستى قىلىپ اياماي اق بەرگەن ەكەن. كومەيىنە بۇلبۇل ۇيا سالعان دەگەن تەڭەۋ ديماشقا عانا لايىق دەپ سانايمىن. ونەر ادامى رەتىندە بىلەتىنىم، ءاندى اركىم اق ايتادى، اڭگىمە ول، ءاندى قالاي ايتقانىندا، قالاي ورىنداعانىندا. ديماش، داۋىس قابىلەتىنىڭ، ءۇن اۋەزدىلىگىنىڭ دەڭگەيىن بۇگىنگە دەيىن ەشكىم جەتە الماعان بيىككە كوتەرىپ تاستادى. بۇل بەس قۇرلىق تىڭدارماندارى مويىنداعان الەمدىك قۇبىلىس ەكەنىنە قۋانۋىمىز كەرەك. ەندى بۇدان كەيىن ءانشىنىڭ ورىنداۋشىلىق قابىلەتىنە باعا بەرەردە، ساراپتاما جاساردا كوپ اقىلگويلەر ويلانىپ سويلەر بولار. اتام قازاق قاشاننان بۇلاق كورسە كوزىن اشقان. كوككە ۇمتىلعاننىڭ كومەيىن تىعىنداماي،ەتەگىنەن كەيىن تارتىپ جىگەرىن جانشىماعان. ءبىز ءبىر-بىرىمىزدى دەمەسەك قانا،بىر-بىرىمىزگە دەم بەرىپ كوتەرمەلەسەك قانا ىرگەلى ەل بولامىز. قازاق ەلىنىڭ،قازاق ونەرىنىڭ، قازاق ءانىنىڭ كەزەكتى جەڭىسى قۇتتى بولسىن! سول جەڭىستى ەلىنە جەتكىزگەن ديماشتاي ۇلىمىز امان بولسىن! جەڭىستى دە جەمىستى كۇندەرى كوپ بولسىن ونەرپازىمىزدىڭ"، - دەپ جازدى نۇرلان ونەربايەۆ.
اتالمىش جازبانى وقىعان ديماش قۇدايبەرگەن نۇرلان ونەربايەۆقا العىسىن ءبىلدىردى.
ۇسىنعان: اسەل بولات قىزى
