شىعىس قازاقستاندا سەمەي قالاسىنا جاقىن ماڭداعى حولودنىي كليۋچ ەلدى مەكەنىندە ەكىقاباتتى تۇرعىن ۇيدەن ءورت شىعىپ، ەكى بالا كوز جۇمدى، دەپ حابارلادى توتەنشە جاعدايلار كوميتەتىنىڭ باسپا ءسوز قىزمەتى.
ءورت تۋرالى حابارلاما دۇيسەنبى، 1 ءساۋىر كۇنى ساعات 14:19-دە تۇسكەن. ءورت ءبىرىنشى قاباتتاعى قوناق ۇيدەن باستالعان – جيھاز ورتەنگەن.
"قىزىل جالىندى ءسوندىرۋ كەزىندە جۋىناتىن بولمەدەن 2012 جانە 2015 جىلى تۋعان ەكى بالانىڭ ءمايىتى تابىلدى. الدىن الا مالىمەت بويىنشا قويۋ ءتۇتىننىڭ سالدارىنان ءيىس گازىنان ۋلانىپ قالعان. اتا-اناسى ۇيدە بولماي شىقتى"، - دەپ حابارلادى قۇتقارۋشىلار.
سونداي-اق ءورت سوندىرۋشىلەر كورشىلەردى ءقاۋىپسىز جەرگە كوشىردى. ءورت ساعات 14:56-دا وقشاۋلانىپ، 15:12-دە ءسوندىرىلدى.
ۇسىنعان: نازەركە لابيحان
