بولات تۇڭعاتار ۇلى دياس 1995 جىلى اقپان ايىنىڭ 28 جۇلدىزىندا الماتى وبلىسى رايىمبەك اۋدانى شالكودە اۋىلىندا تۋىلعان. 2004 جىلى سول جاق اياعىندا ءولى ەت پايدا بولدى دەگەن دياگنوزبەن الماتى قالاسىنىڭ وبلىستىق اۋرۋحاناسىنا بارىپ ەمدەلىپ 2005 جىلى اياعىنا وتا جاسالىندى. دەگەنمەن، جاسالعان ەمنىڭ ەشبىرى پايداعا اسپاعاننان كەيىن بولات تۇڭعاتار ۇلى امالدىڭ جوعىنان كورەيا ەلىنە بارىپ ەمدەلۋگە ءماجبۇر بولىپ وتىر. قىسقاسى، وعان كومەك كەرەك.

جاعدايدىڭ انىق-قانىعىن ءبىلۋ ءۇشىن Qamshy.kz  اقپاراتتىق اگەنتتىگىنىڭ ءتىلشىسى بولات تۇڭعاتارۇلىنا حابارلاستى. 

–"ءولى ەت پايدا بولدى" دەگەن دياگنوز قويىلعان ەكەن. بۇل اياقتاعى ىسىك قالاي جانە قاشان پايدا بولدى؟

–2004 جىلى اياعىم بىرتىندەپ ىسە باستادى. سەبەبىن ءبىلۋ ءۇشىن الماتىداعى وبلىستىق اۋرۋحاناعا بارىپ كورىندىك. وندا ەت پەن تەرىنىڭ اراسىندا  ءولى ەت بار دەگەن دياگنوز قويىلدى. اياقتاعى ءولى ەتتى الىپ تاستاۋ ءۇشىن 2004 جىلدىڭ اياعىندا وتا جاسالىندى. كەيىن وتا جاسالىپ، بولعاننان كەيىن دارىگەرلەر ەشقانداي دا  ءولى ەت تاپپاعاندىعىن ايتىپ، «اياعىڭدا ەشقانداي اۋرۋدىڭ بەلگىسى جوق» —  دەپ شىعارىپ سالدى.

– بۇل  ماسەلەگە بايلانىستى دارىگەرلەر نە دەدى؟

–سەبەبىن اشىپ ايتقان جوق. تەك ءولى ەتتىڭ عانا بارىن جانە ونى كەسىپ الىپ تاستاۋ كەرەكتىگىن عانا ايتتى.

–كەلەسى وتا قاشان جاسالدى؟

–ارادا 1 جىل ۋاقىت وتكەننەن كەيىن اياقتىڭ ودان ءارى ءىسىپ بارا جاتقاندىعىن بايقادىق. كەيىن قايتادان قاراتۋعا بارعاندا ناقتى دياگنوز قويىلمادى، ءبىراق بارماعان جەرىمىز قالمادى. الماتىداعى اباي داڭعىلىنداعى ونكولوگيالىق اۋرۋحانادا  "سول جامباستىڭ ارتەريوگەنەزدى مولفورماسياسى" (ارتەريوۆەنوزنايا مولفورماسيا ليەۆوگو بەدرا) دەگەن دياگنوز قويدى. سودان كەيىن ولار مەنى سىزعانوۆ اتىنداعى ۇلتتىق حيرۋرگيا ورتالىعىنا جىبەردى. ول كىسىلەر بىزگە جولداما جازىپ، كۆوتا جاساتۋىمىزعا ۋاقىت بەردى. ناقتى دياگنوز قويىلعاننان كەيىن  ءبىز 2012 جىلدان بەرى سىزعانوۆ اۋرۋحاناسىندا قارالدىق. ولار بىزگە وتانىڭ قالاي جاسالاتىندىعىن بۇگە-شۇگەسىنە دەيىن ءتۇسىندىردى.

«ءار 3-6 اي سايىن كەلىپ، وتا جاساتىپ وتىراسىڭ. ءبىز تامىرلارعا ءدارى شاشامىز. ونى ءبىر وتادا جاساپ ەمدەپ شىعا المايمىز. مۇنى رەت-رەتىمەن وتا جاساۋ ارقىلى ەمدەيمىز. شات قۋىقتاعى كۇرە تامىر ارقىلى ىسىك تۇرعان جەرگە ءدارى جىبەرىپ، جىلىنا 3 - 4 رەت وتا جاساتۋعا تۋرا كەلەدى» - دەدى دارىگەرلەر.

 سولاي 2017 جىلعا دەيىن وتا جاسالدى. 

–وسى ۋاقىتقا دەيىن قانشا رەت وتا جاسالدى؟

–وننان اسا. ءبىراق، كولەمى ودان سايىن ءىسىپ، ءوسىپ كەتتى. ەم قونبادى. اياققا جۇرمەيىن دەسەڭ دە كۇش تۇسەدى. 

–ادام دەنەسىندە 5 ليتر قان بولاتىن بولسا، ءسىزدىڭ اياعىڭىزعا 3 ليتردەن استام قان جينالعان ەكەن. بۇل جايىندا دارىگەرلەر نە دەدى؟

–سوڭعى 2018 جىلى قارالعانىمىزدا اياعىما 3 ليتردەن استام قان جينالعانىن بىلدىك. سونىڭ اسەرىنەن قىزىل تامىر مەن كوك تامىردى بىر-بىرىنە قوسىپ جىبەرگەن.  جينالعان قان ەت پەن تەرىگە كەتپەگەن، 14-15 جىل ۋاقىت ىشىندە تەك تامىرلاردىڭ ىشىندە تومەن تۇسكەن قان جوعارى كوتەرىلە الماي جينالا بەرگەن. سودان كەيىن دارىگەرلەر "ءارى قاراي قولىمىزدان ەشتەڭە كەلمەيدى" دەپ، ءدارى جىبەرىپ، وتا جاساعاننان پايدا جوقتىعىن ايتتى. ەشقانداي ەم قونباعاننان كەيىن  دارىگەر باۋىرجان ورمانوۆ بۇكىل حيرۋرگتەردى جيناپ، كورەياعا بارىپ ەم قابىلداۋ تۋرالى ۇسىنىس ايتتى.

–ەلىمىزدە ەمدەلىپ شىعۋ نەلىكتەن مۇمكىن بولمادى؟

–دارىگەرلەردىڭ ايتۋىنشا، بۇل اۋرۋدى  تەك تەحنيكانىڭ كومەگىمەن ەمدەۋگە بولادى. 2-3 رەت قانا وتا جاسايدى. ءبىرىنشى جينالعان قانداردى دەنەگە تارقاتىپ، تامىردى قالپىنا كەلتىرەتىندىگىن ايتتى. ونى تەك كورەيا ەلىندە تەحنيكانىڭ كۇشىمەن عانا جاسايدى ەكەن. دارىگەرلەر ءبىزدىڭ مەديسينادا تەحنيكانىڭ كۇشى جەتپەگەندىكتەن، كورەياعا جىبەرەتىندىگىن ايتىپ، "بۇل دياگنوز قازاقستاندا ەمدەلمەيدى" دەگەن قاعاز جازىپ بەردى.

–ارنايى ورىندارعا حابارلاسىپ كوردىڭىز بە؟ ياعني، كۆوتا جايلى، ەلىمىزدەن ارنايى جەڭىلدىكتەر ارقىلى ەم الۋعا؟

–دەنساۋلىق ساقتاۋ مينيسترلىگىنە وسى ۋاقىتقا دەيىن جاسالعان بارلىق قۇجاتتاردى تاپسىرىپ وتكىزگەنىمىزبەن، ءالى حابار جوق. ەش ناتيجە  بولماعاننان كەيىن حالىقتان كومەك سۇراۋعا تۋرا كەلدى. قازاق راديوسى "مىڭ العىس" اكسياسى بويىنشا اقپان ايىندا 400 ادامعا ارنالعان  كونسەرت وتكىزىپ بەردى.

–كورەيادا وتا جاساتۋ ءۇشىن شامامەن 19 ميلليون تەڭگە قاجەت ەكەن. ءالى قانشا قاراجات جەتىسپەيدى؟

–ءالى جارتى سوماسىنان كوپ قاراجات كەرەك. سەبەبى، قازىرگى جينالعانى قاجەت قارجىنىڭ جارتىسىنا دا جەتپەيدى. جالپى جينالعان قاراجات 5 جارىم ميلليون تەڭگە شاماسىندا عانا.

–قازىرگى ۋاقىتتا قانداي ەم قابىلداپ جاتىرسىز، قاي اۋرۋحانادا قارالىپ ءجۇرسىز؟

–ءقازىر ەشقايدا قارالىپ جاتقان جوقپىن. جاسايتىن ەم قالمادى، تەك بەلگىلى ءبىر جاقپا مايلاردى عانا قولدانۋىما تۋرا كەلىپ تۇر. ەڭ الاڭدايتىنىم، ەگەر تەرى جۇقاراتىن بولسا نەمەسە ينە ءتيىپ كەتەتىن بولسا، وندا جاعداي مۇلدە قيىنداپ كەتۋى مۇمكىن.

 بولات تۇڭعاتار ۇلى دياسقا قول ۇشىن بەرەم دەگەن جاندارعا:

يين 950228301382

SBERBANK 5427620002649183

KASPI GOLD 5169493124475941

دياس بولات تۇڭعاتار ۇلى

 +77052691570 نەمەسە  +77073642874