ەلورداداعى «استانا-1 تەمىرجول» «نۇر-سۇلتان تەمىرجول ۆوكزالى» بوپ وزگەرەدى دەپ جازادى Qamshy.kz اقپارات اگەنتتىگى.  بۇل تۋرالى اقپارات ق ر پرەمەر-مينيسترى اسقار ءماميننىڭ ءتيىستى قاۋلى جوباسى ق ر يندۋستريا جانە ينفراقۇرىلىمدىق دامۋ مينيسترلىگىنىڭ رەسمي سايتىندا جاريالاندى.

«قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» 1993 جىلعى 8 جەلتوقسانداعى قازاقستان رەسپۋبليكاسىنىڭ زاڭى 10-بابىنىڭ 4-1) تارماقشاسىنا، «قازاقستان رەسپۋبليكاسىنىڭ اۋماعىنداعى اۋەجايلارعا، پورتتارعا، تەمىرجول ۆوكزالدارعا،  اۆتوستانسالارعا، فيزيكالىق-گەوگرافيالىق جانە مەملەكەت مەنشىگىندەگى باسقا دا وبەكتىلەرگە اتاۋ بەرۋ، سونداي-اق ولاردى قايتا اتاۋ، ولاردىڭ اتاۋلارىنىڭ ترانسكريپسياسىن ناقتىلاۋ مەن وزگەرتۋ جانە مەملەكەتتىك زاڭدى تۇلعالارعا، مەملەكەت قاتىساتىن زاڭدى تۇلعالارعا جەكە ادامداردىڭ ەسىمىن بەرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 1996 جىلعى 5 ناۋرىزداعى № 281 قاۋلىسىنا سايكەس قاۋلى ەتەدى: 1. استانا تەمىرجول ۆوكزالى «نۇر-سۇلتان تەمىرجول ۆوكزالى» بولىپ قايتا اتالسىن. 2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى»، – دەپ جازىلعان قاۋلىدا. 

ۇسىنعان: اسەل بولات قىزى