Qamshy.kz اقپارات اگەنتتىگى قايرات لاما ءشاريفتىڭ سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى قىزمەتىنە كىرىسكەنىن حابارلايدى. ەلشى  بۇل تۋرالى ءوزىنىڭ فەيسبۋك پاراقشاسىندا ءمالىم ەتكەن.

قايرات قايىربەك ۇلى لاما شاريف 1962 جىلى 1 قاڭتاردا پاۆلودار وبلىسىندا دۇنيەگە كەلگەن. 1990 جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ شىعىستانۋ فاكۋلتەتىن بىتىرگەن. فيلولوگ، شىعىستانۋشى. 
1993 جىلدان باستاپ ديپلوماتيالىق قىزمەتتە - قازاقستان رەسپۋبليكاسى سىرتقى ىستەر مينيسترلىگىنىڭ كونسۋلدىق باسقارماسىنىڭ ءۇشىنشى حاتشىسى (1993)، قازاقستان رەسپۋبليكاسىنىڭ ەگيپەت اراب رەسپۋبليكاسىنداعى ەلشىلىگىنىڭ ءۇشىنشى، كەيىن ەكىنشى حاتشىسى (1993-1996)، قازاقستان رەسپۋبليكاسى سىرتقى ىستەر مينيسترلىگىنىڭ مادەني بايلانىستار، گۋمانيتارلىق ىنتىماقتاستىق جانە يۋنەسكو ىستەرى جونىندەگى باسقارمانىڭ ەكىنشى حاتشىسى (1996-1997)، قازاقستان رەسپۋبليكاسى سىرتقى ىستەر مينيسترلىگىنىڭ تاياۋ جانە ورتا شىعىس، افريكا باسقارماسىنىڭ ەكىنشى، كەيىن ءبىرىنشى حاتشىسى (1997-1998)، قازاقستان رەسپۋبليكاسىنىڭ ەگيپەت اراب رەسپۋبليكاسىنداعى ەلشىلىگىنىڭ ءبىرىنشى حاتشىسى، كەيىن كەڭەسشىسى (1998-2002)، قازاقستان رەسپۋبليكاسى سىرتقى ىستەر مينيسترلىگىنىڭ ازيا، تاياۋ شىعىس جانە افريكا دەپارتامەنتىنىڭ ءبولىم باستىعى، كەيىن باسقارما باستىعى (2002-2003)، قازاقستان رەسپۋبليكاسى سىرتقى ىستەر مينيسترلىگىنىڭ ازيا جانە افريكا دەپارتامەنتى ديرەكتورىنىڭ ورىنباسارى (2003-2004)، قازاقستان رەسپۋبليكاسىنىڭ پرەزيدەنتى اكىمشىلىگى جانىنداعى سىرتقى ساياسات ورتالىعىنىڭ باس ينسپەكتورى (2004-2006)، قازاقستان رەسپۋبليكاسىنىڭ دۋباي قالاسىنداعى باس كونسۋلى (2006). 2006 جىلدىڭ شىلدە ايىنان باستاپ قازاقستان رەسپۋبليكاسىنىڭ ساۋد ارابياسى ‎كورولدىگىندەگى توتەنشە جانە وكىلەتتى ەلشىسى. ول قازاقستان رەسپۋبليكاسىنىڭ يسلام كونفەرەنسياسى ۇيىمداعى تۇراقتى وكىلى (2006-2010)، قازاقستان رەسپۋبليكاسىنىڭ ومان سۇلتاناتىنداعى توتەنشە جانە وكىلەتتى ەلشىسى قىزمەتىن قوسا اتقارۋشى (2008-2010) بولعان. 2007 جىلعى مامىر ايىنان باستاپ كۋۆەيت مەملەكەتىندەگى جانە 2009 جىلعى ناۋرىز ايىنان باستاپ باحرەين كورولدىگىندەگى قازاقستان رەسپۋبليكاسىنىڭ توتەنشە جانە وكىلەتتى ەلشىسى قىزمەتىن قوسا اتقارۋشى. 2011-2013 جىلدارى ق ر ءدىن ىستەرى اگەنتتىگىنىڭ ءتوراعاسى. 2013 جىلدىڭ قازان ايىنان باستاپ قازاقستان رەسپۋبليكاسىنىڭ بىرىككەن اراب امىرلىكتەرىندەگى توتەنشە جانە وكىلەتتى ەلشىسى.

قايرات لاما شاريف «اراب ءتىلىنىڭ حرەستوماتياسى» (2004)، «قازاقشا-ارابشا ءتىلاشار» (2005)، «قازاقستان جانە الەم ەلدەرى» (2005)، ‎«قاجىلىق» (2010) جانە اراب تىلىندەگى «قازاقستان - ورتالىق ازيانىڭ ءىنجۋ-مارجانى»، ‎‎«ەكونوميكالىق دامۋدىڭ قازاقستاندىق مودەلى»، «قازاقستان فاكتىلەر مەن ‎سانداردا»، «قازاقستان - كوپۇلتتى ەل» جانە «كيىز ءۇي - كوشپەندى ‎قازاقتاردىڭ ءۇيى» اتتى كىتاپتاردىڭ اۆتورى. سونىمەن قاتار، ونىڭ جالپى رەداكتورلىعىمەن ‎مەملەكەت باسشىسىنىڭ قازاقستان حالقىنا جىل سايىنعى جولداۋلارى، پرەزيدەنت ن.ءا.نازاربايەۆتىڭ «قازاقستاندىق جول» جانە ‎«عالامدىق قوعامداستىقتى ‎تۇبەگەيلى جاڭارتۋ ‎‎ستراتەگياسى جانە وركەنيەتتەر ‎سەرىكتەستىگى» كىتاپتارى، «داعدارىستان شىعۋ كىلتى»، «بەسىنشى جول» جانە «ەۋروپاداعى قاۋىپسىزدىك پەن قاۋىپسىزدىك ۇيىمىنىڭ تاعدىرى مەن ‎بولاشاعى» ماقالالارى، قازاقستان ‎رەسپۋبليكاسىنىڭ اتازاڭى، «نۇرسۇلتان نازاربايەۆ - ۇلتارالىق جانە ‎ءدىنارالىق تاتۋلىقتىڭ قازاقستاندىق ۇلگىسىنىڭ نەگىزىن قالاۋشى» كىتابى، ‎پرەزيدەنت ق.توقايەۆتىڭ «قازاقستان رەسپۋبليكاسى ديپلوماتياسى» جانە «نۇر مەن ‎كولەڭكە» كىتاپتارى اراب تىلىندە جانە ‎«قازاقستان مەن ساۋد ارابياسى: ستراتەگيالىق ‎ارىپتەستىك جولىندا»، «قازاقستاننىڭ يسلام كونفەرەنسياسى ۇيىمىنا ءتوراعالىعى جولىندا» اتتى كىتاپتار ورىس تىلىندە جارىق كوردى.
ءبىرىنشى كلاستى كەڭەسشى ديپلوماتيالىق دارەجەسى بار. «قازاقستان رەسپۋبليكاسىنىڭ اتا زاڭىنا 10 جىل» (2005)، «استانانىڭ 10 جىلدىعى» (2008) جانە «ەرەن ەڭبەگى ءۇشىن» (2008)، «قازاقستان رەسپۋبليكاسىنىڭ تاۋەلسىزدىگىنە 20 جىل» (2011) مەدالدارىمەن ماراپاتتالعان.